برفباری کے دوران ضلع ترقیاتی کمشنر کا دورہ ترال

ضلع پلوامہ کے ترقیاتی کمشنر ڈاکٹر راگھو لنگر نے وادی میں مسلسل جاری برفباری کے باوجود ترال اور اونتی پورہ علاقوں کا جائزہ لینے کے لیے دورہ کیا۔

جنوبی کشمیر کے ترال علاقے میں برف باری سے پیدا شدہ صورتحال کا جائزہ لینے کے لیے ضلع ترقیاتی کمشنر پلوامہ ڈاکٹر راگھو لنگر نے آج برف باری کے باوجود ترال اور اونتی پورہ علاقوں کا دورہ کیا۔

ضلع ترقیاتی کمشنر نے ملازمین پر زور دیا کہ عوام تک بنیادی ضروریات مستقل پہنچانے کے لیے اپنے آپ کو وقف کریں، اس کے علاوہ ضلع ترقیاتی کمشنر پلوامہ نے ڈاڈسرہ کے پرائمری ہیلتھ سینٹر کا بھی دورہ کیا ہے جہاں انھوں نے ڈاکٹروں اور نیم طبی عملے کے ساتھ اہم امور پر تبادلہ خیال بھی کیا۔

واضح رہے کہ پوری وادی کی طرح جنوبی کشمیر کے ترال اور اونتی پورہ علاقوں میں بھی مسلسل برفباری جاری ہے