دکانداروں، چھاپڑی فروشوں اور اساتذہ کو ویکسنیشن

ضلع ترقیاتی کمشنر نے کہا کہ ویکسن ہی واحد ایسا ہتھیار ہے جس سے کورونا وائرس پر قابو پایا جا سکتا ہے۔

ضلع ترقیاتی کمشنر پلوامہ بصیر الحق چودھری نے آج محکمہ صحت کے عہدیدارآن کا ایک اجلاس طلب کیا جس میں انہوں نے مزکورہ عہدیدارآن کو ضلع کے دکانداروں، چھاپڑی فروشوں اور اساتذہ کو ویکسنیشن کے بارے میں ضروری ہدایت دی۔

ضلع ترقیاتی کمشنر نے محکمہ صحت کے عہدیداروں سے کہا کہ وہ ضلع میں ویکسنیشن مہم کو مزید فعال بنائیں تاکہ ضلع میں سو فیصد ویکسنیشن کو مکمل کیا جا سکے۔

ضلع ترقیاتی کمشنر نے کہا کہ ویکسن ہی واحد ایسا ہتھیار ہے جس سے کورونا وائرس پر قابو پایا جا سکتا ہے۔ اس لیے ہر فرد کو چاہیے کہ وہ ویکدنیشن لگوائے تاکہ کورونا وائرس جیسی مہک بیماری پر مکمل طور پر قابو پایا جا سکے۔

کمشنر موصوف نے کہا کہ فی الحال ضلع میں ویکسنیشن مہم اچھے ڈھنگ سے چل رہی ہے اور انہیں امید ہے کہ لوگ اس مہم کو مکمل کرنے میں اپنا تعاؤن پیش کریں گے۔