DC Pulwama Chairs Block Diwas سامبورہ پانپور میں بلاک دیوس کا انعقاد

ضلع انتظامیہ پلوامہ نے پانپور کے سامبورہ علاقے میں بلاک دیوس کا انعقاد کیا جس میں مقامی باشندوں، پی آر آئی ممبران سمیت ڈی سی پلوامہ نے بھی شرکت کی۔ Block Diwas in Samboora Pampore

پلوامہ:ضلع انتظامیہ پلوامہ کی جانب سے سامبورہ، پانپور میں ایک میگا بلاک دیوس کا انعقاد کیا گیا۔ بلاک دیوس میں ڈی سی پلوامہ، بصیرالحق چودھری، نے مہمان خصوصی کے طور پر شرکت کی۔ پروگرام میں ایس ایس پی اونتی پورہ محمد یوسف، اے ڈی ڈی سی پلوامہ ڈاکٹر شیخ عبدالعزیز، پی آر آئیز، اے سی ڈی اونتی پورہ ظفر حسین شال، بی ڈی او پانپور محمد اشرف، تحصیلدار پانپور زبیر احمد سمیت دیگر افسران موجود تھے۔ Samboora Pampore Block Diwas

ضلع ترقیاتی کمشنر پلوامہ نے پانپور کے سامبورہ علاقے میں لوگوں کے ایک اجتماع سے خطاب کرتے ہوئے کہا کہ ’’بلاک دیوس کی مستقل نوعیت قابل رسائی انتظامیہ کے لیے حکومت کے عزم کی تصدیق ہے۔‘‘ پروگرام میں بلاک پانپور اور کاکاپورہ سے تعلق رکھنے والے درجنوں باشندوں نے شرکت کی اور اپنے مسائل حکام کی نوٹس میں لائے۔

ڈی سی پلوامہ نے بلاک دیوس کے موقع پر لوگوں کی شکایات سنیں اور موقع پر متعلقہ افراد سے ان کے فوری ازالہ کے لیے احکامات صادر کیے۔ مقامی باشدنوں اور ملحقہ علاقوں کے لوگوں - جن کی قیادت پنچایت راج اداروں کے نمائندوں نے کی، نے ڈی ڈی سی کے سامنے بنیادی سہولیات سے متعلق اپنے مسائل اور مطالبات پیش کیے جن کے ازالہ کے لیے حکام نے یقین دہانی کی۔

ڈی سی نے میڈیا نمائندوں کے ساتھ بات کرتے ہوئے کہا کہ ’’عام لوگوں کے مقامی مسائل کا درست اور زمینی سطح پر جائزہ لینے کے لئے بلاک دیوس کا اہتمام کیا جاتا ہے۔‘‘ ڈی سی نے مزید کہا کہ ’’بلاک دیوس جیسی سرگرمیوں کا مقصد ضلع بھر میں عوامی خدمات کی فراہمی کے طریقہ کار کو بہتر بنانا ہے۔‘‘

پروگرام کے آخر پر ضلع ترقیاتی کمشنر نے سپورٹس کٹس، ڈومیسائل سرٹیفکیٹ، انکم سرٹیفکیٹ، ایس سی سرٹیفکیٹ، سبسڈی لیٹر اور گولڈن کارڈ تقسیم کیے۔