Voter List Pulwama انتخابی فہرست کو شفاف بنایا جارہا ہے، ڈی سی پلوامہ

ضلع ترقیاتی کشمیر پلوامہ نے انتخابی فہرست کے حوالہ سے سپیشل سمر رویژن کیمپس میں عوام خاص کر نوجوانوں، جن کی عمر اٹھارہ سال کی ہو چکی ہے، سے اپنا نام انتخابی فہرست میں شامل کرنے کی اپیل کی ہے۔ ڈی سی نے سیاسی جماعتوں سے بھی کیمپ میں شرکت کی اپیل کی ہے تاکہ فہرست کی ترتیب میں شفافیت کو یقینی بنایا جا سکے۔ DC Pulwama Voter list

پلومہ (جموں و کشمیر):جنوبی کشمیر کے ضلع پلوامہ میں ضلع ترقیاتی کمشنر، بصیر الحق چودھری، نے پریس کانفرنس کے ذریعے انتخابی فہرست کے حوالے سے جانکاری فراہم کی۔ انہوں نے کہا پریس کانفرنس کا انعقاد الیکشن کمیشن آف انڈیا کی جانب سے جاری کردہ ہدایت کے پیش نظر کیا جا رہا ہے جس میں انتخابی فہرستوں کے حوالے سے جانکاری عوام تک پہنچانے پر سخت تاکید کی گئی ہے۔

پریس کانفرنس کے دوران ڈی سی پلوامہ نے کہا کہ سپیشل سمر رویژن کو مختلف مراحل میں مکمل کیا جائے گا جس میں انہوں نے عوام کے ساتھ ساتھ سیاسی جماعتوں کو بھی انتخابی فہرست کا حصہ بننے پر زور دیا۔ ڈی سی کے مطابق سپیشل سمر ڑویژں کا مقصد اُن نوجوانوں، جو 18 سال کی عمر پار چکے ہیں یا آئندہ دنوں اٹھارہ سال کے ہو جائیں گے کو انتخابی فہرست میں شامل کرنا ہے تاکہ انہیں بھی انتخابات سرگرمیوں میں حصہ لینے کا موقع فراہم کیا جا سکے۔

انہوں نے مزید کہا کہ اس طرح کی سرگرمیوں سے انتخابی فہرست میں شفافیت لانا اصل مقصد ہے، اور عوام کو اس کی جانکاری دینا اس لئے بھی ضروری ہے تاکہ اس پورے عمل میں کسی قسم کا کوئی شک باقی نہ رہے۔ ڈی سی نے عوام سے مقررہ تاریخوں پر پولنگ بوتھ یا دیگر منتخب کردہ مقامات پر حاضر رہنے اور انتخابی فہرست کو چیک کرنے کی اپیل کی تاکہ کسی قسم کی تبدیلی کو وقت رہتے ممکن بنایا جا سکے۔

انہوں نے مزید کہا کہ ضلع پلوامہ کے ہر ایک پولنگ اسٹیشن پر اس حوالے سے کیمپ لگایا جائے گا جہاں پر نوجوان انتخابی فہرست میں اپنا اندراج کروا سکتے ہیں اور اس کیمپ کا انعقاد بی ایل او کی موجودگی میں انجام دیا جائے گا۔