Cultural Festival At HSS Newa پلوامہ میں کلچر فیسٹیول کا اہتمام

ضلع پلوامہ کے نیوہ میں واقع گورنمنٹ ہائر سکنڈری اسکول میں جموں و کشمیر اکاڈمی آف آرٹ کلچر اینڈ لینگوئج کی جانب سے کلچرل فیسٹیول کا اہتمام کیا گیا جس میں طلبا کے ساتھ ساتھ اعلیٰ افسران اور مقامی باشندوں نے بھی شرکت کی۔

پلوامہ:مرکز کے زیر انتظام یوٹی جنوبی کشمیر کے ضلع پلوامہ کے نیوہ علاقے میں واقع گورنمنٹ ہائر سیکنڈری سکول میں آج جموں اور کشمیر اکیڈمی آف آرٹ، کلچر اینڈ لینگوئج کی جانب سے کلچرل فیسٹیول منعقد کیا گیا جس میں جس میں اسکولی بچوں نے رنگا رنگ تمدنی پروگرام پیش کیے ساتھ ہی فن کاروں نے بھی یہاں پر رنگا رنگ پروگرام پیش کیے۔

پروگرام میں اسکول بچوں کی ایک تعداد موجود تھی جنہوں نے ان فنکاروں کی حوصلہ افزائی کی۔ پروگرام میں اے ڈی سی پلوامہ اور سی ای او پلوامہ نے بطور مہمان خصوصی شرکت کی جبکہ اس موقع پر جموں اور کشمیر اکیڈمی آف آرٹ، کلچر اینڈ لینگوئج کے عہدے دار بھی موجود رہے رنگا رنگ تمدنی پروگراموں کے بعد وہاں پہ شاعروں نے اپنا کلام بھی پیش کیا جس کے لیے انہیں کافی پذیرائی ملے۔

اس موقع پر اسکول بچوں نے بات کرتے ہوئے کہا کہ اس طرح کا پروگرام پہلی بار سکول میں منعقد ہوا۔ جس پر انہوں نے مسرت کا اظہار کیا انہوں نے کہا کہ اس طرح کے پروگرام مزید کیے جانے چاہیے تاکہ ہنرمند بچوں کو اپنا ہنر دکھانے کا موقع ملے۔

اس موقع پر اے ڈی سی پلوامہ ڈاکٹر عبدل عزیز نے بات کرتے ہوئے کہا کہ بچوں کو تعلیم کے ساتھ کلچر کے ساتھ وابستہ رکھنے کے لئے یہ اچھا قدم ہیں جس میں بچہ میں بڑھ چڑھ کر حصہ لے رہے ہیں۔