Free Medical Camp پلوامہ کے چکورہ میں مفت میڈیکل کیمپ کا انعقاد

سیوک ایکشن پروگرام کے تحت سی آر پی 182 بٹالین نے پلوامہ کے چکورہ علاقہ میں فری میڈیکل کیمپ کا انعقاد کیا گیا۔ کیمپ میں آس پاس علاقہ کے لوگوں نے شرکت کرکے مفت میں طبی جانچ کرائی ۔

پلوامہ:سی آر پی ایف 182 بٹالین نے اس ہفتہ کو بطور صحت ہفتہ منایا جس کے تحت ضلع کے مختلف علاقوں میں طبی کیمپوں کا انعقاد کیا گیا جس کا مقصد تھا ان دور دراز علاقوں میں عوام کو مفت ادویات کے ساتھ ساتھ ان کی طبی جانچ کی جائے۔ ان مفت طبی کیمپوں میں ان علاقوں کے ساتھ ساتھ آس پاس کے دیہات سے بڑی تعداد میں لوگوں نے اپنا علاج معالجہ کرایا۔ اس موقع پر نہ صرف ان کو طبی مشورہ دیا گیا، بلکہ مفت ادویات بھی تقسیم کی گئی جس کو لوگوں نے کافی سراہا۔

وہیں مقامی لوگوں کے مطابق ان میڈیکل کیمپوں میں ہر بیمار کا اچھے ڈھنگ سے علاج کیا گیا جبکہ مفت ادویات بھی فراہم کی گئی اور یہ ایک اچھی شروعات ہے جس سے غریب عوام کو بڑی حد تک راحت مل گئی۔ ان مفت طبی کیمپوں میں علاقے کی مرد و زن نے شرکت کی، جن کا سرکاری ڈاکٹروں کے علاوہ سی آر پی ایف کے ڈاکٹروں نے طبی جانچ کی اور انہیں ماہرانہ مشورہ بھی دیا گیا۔

اس موقع پر سی آر پی ایف 182 بٹالین کے افسر نے بتایا کہ سی آر پی ایف کے اعلی افسران کی ہدایت پر ہم دور دراز علاقون میں مفت میڈیکل کیمپ منعقد کر رہے ہے تاکہ لوگوں کو طبی سہولیات مہا ہو۔ انہون نے کہا کہ اس کیمپ میں لوگوں کی ایک اچھی تعداد نے شرکت کی۔انہوں نے کہا طبی کیمپ کا انعقاد ان علاقوں میں کیا جاتا ہے جہاں پر لوگوں کو صحت کے بنیادی مسئلہ کا سامنا رہتا اور جو لوگوں غریب کی زندگی بسر کرتے ہیں۔