ترال: دیگر ریاستوں سے لوٹے افراد کی اسکریننگ

جنوبی کشمیر کے سب ڈسٹرکٹ ترال میں لاک ڈاؤن سے جہاں عام زندگی مفلوج ہے وہیں انتظامیہ نے ان افراد کی سکرینگ کے لیے سب ڈسٹرکٹ اسپتال ترال میں سکرینگ وارڈ قائم کیا ہے جو حال ہی میں جموں اور دیگر ریاستوں سے وادی لوٹے ہیں۔

انتظامیہ کے مطابق ان افراد کو لور منڈا قاضی گند میں سکرینگ کی گئی ہے تاہم اب دوبارہ سکرینگ کرانے کا مقصد صرف یہ ہے کہ کرونا وائرس کے بڑھتے ہوئے خطرات کو ٹالا جا سکے۔

سکرینگ کے مرحلے سے گزرنے والے افراد بھی انتظامیہ کی اس کوشش کو ستائش کر رہے ہیں۔

ای ٹی وی بھارت کے ساتھ بات کرتے ہوئے کہا ایک مقامی شخص سونو سنگھ نے بتایا کہ بیرون وادی سے آئے ہوئے تمام افراد کو سکرینگ کے مرحلے سے گزرنا چاہیے تاکہ اپنے آپ اور سماج کے لیے کوئی خطرہ پیدا نہیں کر سکیں

انتظامیہ نے غیر ریاستی مزدوروں اور چھاپڑی فروشوں کی سکرینگ کرنے کا فیصلہ بھی کیا ہے۔

بہار سے تعلق رکھنے والے لال بہادر شاستری کا کہنا تھا کہ انکو انتظامیہ کی طرف سے سکرینگ کرانے کے لیے کہا گیا حالانکہ وہ پچھلے چار ماہ سے ترال میں ہے تاہم وہ اہل خانہ کے ساتھ ہسپتال آئے ہیں کیونکہ احتیاط میں ہی بہتری ہے۔