کووڈ19: پولیس اور عوامی رابطے کے لیے واٹس ایپ گروپ

جنوبی کشمیر میں کووڈ19 کو مزید پھیلنے سے روکنے، لاک ڈاؤن کو یقینی بنانے اور پولیس و عوام کے مابین رابطہ مضبوط کرنے کی غرض سے اونتی پورہ پولیس نے واٹس ایپ گروم بنائے ہیں۔`

کورونا وائرس سے نمٹنے کے لئے جہاں سیول انتظامیہ ہنگامی بنیادوں پر کام کر رہی ہے وہیں جنوبی کشمیر کے اونتی پورہ، ترال پامپور اور کھریو علاقوں میں پولیس نے کووڈ 19 کے متعلق بیداری پیدا کرنے اور سرکاری ایڈوائزری کو عوام تک پہنچانے کے لیے واٹس ایپ گروپس کا قیام عمل میں لایا ہے۔

پولیس انتظامیہ کے مطابق ایک ڈی ایس پی لیول رینک کا آفیسر ان گروپس کا ایڈمن بنایا گیا ہے جبکہ متعلقہ علاقوں کی ذی عزت شخصیات اور رضاکاروں کو گروپ میں شامل کیا گیا ہے۔

نوجوانوں ان گروپس میں شمولیت کے بعد لاک ڈاؤن کی خلاف ورزی اور کووڈ 19 کے حوالے سے اہم معلومات ان گروپس میں ڈال کر پولیس اور انتظامیہ کو تعاون فراہم کر رہے ہیں۔

ایس ایس پی اونتی پورہ طاہر سلیم نے ای ٹی وی بھارت کو بتایا کہ موجودہ صورتحال میں اس قسم کے گروپس وقت کی اہم ضرورت ہے اور انھیں عوامی حلقوں کی طرف سے بھرپور تعاون مل رہا ہے۔