لاک ڈاؤن: ترال میں مہنگائی عروج پر

کورونا وائرس کے پیش نظر مہنگائی سے غریب عوام کی پریشانی میں مزید اضافہ ہو گیا ہے۔

کورونا وائرس کے قہر کے چلتے جہاں پوری وادی میں زندگی کا پہیہ جام ہو چکا ہے اور سرکاری طور لاک ڈاؤن کی خلاف ورزی کرنے پر لوگوں کے خلاف کاروائی بھی کی جا رہی ہے اس بیچ جنوبی کشمیر کے سب ڈسٹرکٹ ترال میں اشیائے خوردنی کی قلت اور مہنگائی سے غریب عوام کی پریشانی مزید بڑھ گئی ہے۔

اور انتظامیہ کے بلند بانگ سرکاری دعوں کے باوجود ترال میں مہنگائی دورآچکا ہے اگرچہ سبزیاں اور میوہ بازار میں موجود ہے لیکن مہنگائی کے ہوتے ہوئے عام لوگ مشکلات سے دوچار ہیں۔

مقامی شہریوں نے ای ٹی وی بھارت کے ساتھ بات کرتے ہوئے کہا کہ لاک ڈاؤن کے چلتے اب ان کی قوت خرید جواب دے رہی ہے اور اس مہنگائی کو کنٹرول کرنے میں انتظامیہ بے بس نظر آ رہا ہے ادھر ترال علاقے کے ستورہ، نارستان اور دیگر کنڈی علاقوں میں بھی اشیاء خورد و نوش کی قلت کی شکایات موصول ہوئی ہیں آبادی نے انتظامیہ سے مطالبہ کیا ہے کہ ضروری اشیاء کی فراہمی کو یقینی بنایا جائے۔