میونسپل کمیٹی پانپور کی جانب سے چلائی گئی مہم کے دوران ایس او پیز کی خلاف ورزی کرنے والوں سے جرمانہ وصول کیا گیا اور انہیں ہدایت دی گئی کہ وہ سختی سے ایس او پیز پر عمل کریں تاکہ مہلک وبا کورونا وائرس کی چین کو توڑا جاسکے۔
پانپور کے فوڈ انسپکٹر زاہد ارشد نے کہا کہ کووِڈ-19 کی دوسری لہر کا مقابلہ کرنے کے لیے ایس او پیز پر سختی سے عمل کیا جائے کیونکہ دوسری لہر کے دوران ملک بھر میں کورونا سے متاثر ہونے والے لوگوں کی تعداد میں خطرناک حد تک اضافہ دیکھنے میں کو مل رہا ہے۔
انہوں نے لوگوں سے اپیل کی کہ انتظامیہ کی جانب سے جاری کردہ گائیڈ لائنز پر عمل کریں تاکہ وہ نہ صرف اپنے آپ کو بلکہ دوسرے لوگوں کو بھی اس بیماری سے بچانے میں اپنا رول ادا کرسکیں۔
