جنوبی کشمیر کے ترال قصبہ میں محکمہ جل شکتی کی ناقص کارکردگی کی وجہ سے عوام پانی کی بوند بوند کو ترس رہے ہیں۔
مین ٹاون ترال کے سیول لائنز ایریا میں گزشتہ ایک ماہ سے پینے کے پانی کی قلت سے لوگ پریشان ہو گئے ہیں۔ لوگوں کے مطابق ایک طرف لاک ڈاؤن اور دوسری جانب پینے کے پانی کی قلت سے ان کی پریشانیاں بڑھ گئی ہیں۔
ایک مقامی شہری بشیر احمد جانباز نے ای ٹی وی بھارت کو بتایا کہ مذکورہ محکہ کی ناقص کارکردگی کہ وجہ سے عوام پریشان ہے اور محکمہ کے اہلکار لوگوں کی مشکلات سے ٹس سے مس نہیں ہوتے۔
بلال احمد نامی ایک اور شہری نے بتایا کہ انھوں نے پینے کے پانی کی قلت سے متعلق حکام سے کئی مرتبہ درخواست کی لیکن تمام کوششیں بے سود ثات ہوئیں۔
سیول لائنز علاقہ کی آبادی نے انتظامیہ سے اس سلسلہ میں مؤثر اقدامات اُٹھانے کی اپیل کی ہے۔