Check Rajpora lacks Basic Facilities راجپورہ، اونتی پورہ کی آبادی بنیادی سہولیات سے محروم

سرینگر جموں شاہراہ کے متصل جنوبی کشمیر کے اونتی پورہ کا چک، راجپورہ نامی گاؤں سڑک، بجلی اور پانی جیسی بنیادی سہولیات سے محروم ہے۔Awantipora lacks Basic Facilities

پلوامہ (جموں و کشمیر) :ایک جانب جہاں انتظامیہ عوام کو بہتر سہولیات فراہم کرنے کے حوالے سے بلند و بانگ دعوے کر رہی ہے وہیں چک، راجپورہ، اونتی پورہ کی آبادی کا دعویٰ ہے کہ انہیں ’’جان بوجھ کر بنیادی سہولیات سے محروم رکھا جا رہا ہے۔‘‘ چک، راجپورہ کے باشندوں کے مطابق وہ جدید دور میں بھی بنیادی سہولیات سے محروم ہے جس کی وجہ سے کثیر اابادی کو سخت مشکلات کا سامنا کرنا پڑ رہا ہے۔

مقامی لوگوں کے مطابق ’’اس علاقے کو سرکار نے یکسر نظر انداز کیا ہے اور یہاں بنیادی سہولیات کی عدم دستیابی، آبادی کے لیے سوہان روح بنی ہوئی ہے۔‘‘ ای ٹی وی بھارت کے ساتھ بات کرتے ہوئے مقامی لوگوں نے کہا: ’’جہاں گاؤں میں بجلی کا نظام ابتری کا شکار ہے وہیں اس علاقے میں ڈرینیج اور دیگر بنیادی سہولیات کی عدم دستیابی سے علاقے میں لوگ بہت ہی زیادہ پریشان ہیں۔‘‘ لوگوں کے مطابق ’’گاؤں کے گلی کوچے ناقابل آمد رفت ہیں اور اب بنیادی سہولیات کی عدم دستیابی سے سماجی مسائل بھی پیدا ہو رہے ہیں۔‘‘

ای ٹی وی بھارت کے ساتھ بات کرتے ہوئے مقامی لوگوں نے دعویٰ کیا کہ انہوں نے ’’بار ہا انتظامی افسران کو گاؤں میں بنیادی سہولیات کے فقدان کے بارے میں آگاہ کیا، تاہم یقین دہانیوں کے سوا کچھ ہاتھ آیا نہیں آیا۔‘‘ انہوں نے کہا کہ علاقے میں پینے کے پانی کے حوالہ سے بھی لوگوں کو سخت مشکلات کا سامنا کرنا پڑ رہا ہے۔ چک، راجپورہ کے باشندوں نے انتظامیہ سے اپیل کی ہے کہ سرینگر جموں قومی شاہراہ کے نزدیک اس گاؤں میں بنیادی سہولیات کی فراہمی کو یقینی بنایا جائے۔