ضلع پلوامہ کے ترال علاقے میں دو مقامات پستونہ اور بٹہ گنڈ نامی گاوں میں سکیورٹی فورسز کی طرف سے جاری سرچ آپریشن پرامن طور پر ختم ہو گیا ہے۔
پولیس زرائع نے اس بات کی تصدیق کی ہے کہ دونوں مقامات پر سرچ آپریشن کئی گھنٹوں تک جاری رہا، جس کے دوران گھر گھر تلاشی لی گئی، تاہم دونوں مقامات سے کسی عسکریت پسند یا معاون عسکریت پسند کی گرفتاری کی اطلاع نہیں ہے۔
واضح رہے دونوں گاوں مں عسکریت پسندوں کی موجودگی کے حوالے سے خفیہ اطلاعات ملنے کے بعد سرچ آپریشن لانچ کیا گیا تھا۔
یہ بھی پڑھیے
'قوانین مسلط کرنے والوں کو شکست دینے کے لئے انتخابات لڑیں گے'
تفصیلات کے مطابق فوج کی 42 آرآر، سی آر پی ایف 180 بٹالین اور ایس او جی ترال نے دونوں دیہات میں مشترکہ طور پر محاصرہ کیا تھا اور عسکریت پسندوں کو ڈھونڈنے کی کاروائی شروع کی تھی۔