Pulwama Attack Anniversary پلوامہ حملے کی چوتھی برسی کے موقع پر قصبہ میں کینڈل مارچ

قصبہ پلوامہ میں آج شام مقامی لوگوں نے لتہ پورہ حملہ کی چوتھی برسی کے موقعے پر کینڈل لائٹ مارچ نکالا۔ یہ کینڈل کائٹ مارچ پلوامہ کے ٹہاب چوک سے شروع ہوکر شہید فاروق چوک پر اختتام پذیر ہوئی۔

پلوامہ:جنوبی کشمیر کے ضلع پلوامہ قصبہ میں آج شام دیر گئے مقامی لوگوں کی جانب سے لیتہ پورہ خودکش حملے کی چوتھی برسی کے موقع پر کینڈل لائٹ مارچ نکال گیا۔ اس مارچ میں مقامی نوجوان بزرگ شہریوں نے شرکت کی۔ اس موقع پر نوجوانوں نے ہاتھوں میں مشال اور موم بتی کے ساتھ ساتھ پلے کارڈز اٹھا رکھے تھے، جن پر سی آر پی ایف جوانوں کو خراج تحسین کے الفاظ درج کیے گئے تھے۔ یہ مارچ اگرچہ قصبہ پلوامہ کے ٹہاب چوک سے شروع ہو اور شہید فاروق چوک پر اختتام پذیر ہوا۔


یہ بات قابل ذکر ہے کہ یہ کینڈل لائٹ مارچ پلوامہ خودکش حملے کی چوتھی برسی کے موقع پر نکالا گیا۔ ہلاک ہونے والے فوجی اہلکاروں کو یاد کرکے انہیں خراج عقیدت پیش کیا گیا۔ چار سال پہلے 14 فروری 2019 کو پلوامہ کے لتہ پورہ میں ایک خودکش حملہ آور نے سی آر پی ایف کانوئی پر حملہ کیا جس میں سی آر پی ایف کے 40 جوان ہلاک ہوئے تھے۔

اگرچہ اس موقع پر ضلع کے لیتہ پورہ علاقے میں آج سی آر پی ایف کی جانب سے تقریب کا انعقاد کیا جاتا ہے جس میں فوجی نیم فوجی افسران کے ساتھ ساتھ سوال افسران نے شرکت کرکے سی آر پی ایف اہلکاروں کو خراج تحسین پیش کیا۔ واضح رہے کہ شوپیاں میں بھی پلوامہ حملہ کی چوتھی برسی کے موقعہ پر کینڈل لائٹ مارچ نکالا گیا۔یہ مارچ شوپیاں پولیس اسٹیشن سے گول چوک شوپیاں تک نکالا گیا۔