Candle Light Protest Against Acid Attack in Srinagar: ترال میں تیزاب حملہ کے خلاف کینڈل مارچ

گزشتہ دنوں سرینگر کے علاقے میں ایک لڑکی پر ایسڈ حملہ میں ملوث افراد کو کڑی سزا دینے کی مانگ اب زور پکڑتی جا رہی ہے۔ Candle March in Tral against Acid throwing Incident

آج جنوبی قصبہ ترال میں اسٹیزن کونسل کی جانب سے ایک کینڈل مارچ نکالا گیا، جس میں لوگوں نے شمع جلا کر اپنی بات انتظامیہ تک پہنچانے کی کوشش کی۔ جلوس کی صدارت اسٹیزن کونسل کے سربراہ فاروق ترالی کر رہے تھے۔ اس موقع پر لوگوں نے ہاتھوں میں بینر اٹھا کے رکھے تھے، جس میں معاملے کی نسبت نعرے درج کیے گئے۔ Demand to Hang the Acid Attacker

اس کے بعد لوگوں نے نعرے بازی بھی کی، جس دوران لوگوں نے ایسڈ پھینکنے والے کے خلاف پھانسی کی سزا کا مطالبہ کیا اور ایل جی انتظامیہ سے اپیل کی کہ ملوث افراد کے خلاف کڑی سے کڑی سزا دی جائے۔ Acid Attack in Srinagar

میڈیا کے ساتھ بات کرتے ہوئے اسٹیزن کونسل ترال کے چیئرمین فاروق ترالی نے بتایا کہ سرینگر میں ایسڈ پھینکنے والے واقعے نے پورے قوم کو جھنجوڑ کر رکھ دیا ہے اور ملوث افراد کو پھانسی پر لٹکایا جائے تاکہ ایسے واقعات دوبارہ رونما نہ ہوں۔

فاروق ترالی نے علمائے کرام سےگزارش کی کہ وہ ان سماجی معاملات کے بارے میں لب کشائی کریں اور اس حوالے سے اپنا کردار ادا کریں۔یاد رہے کہ سرینگر پولیس نے واقعے میں ملوث تین افراد کو کل ہی گرفتار کر لیا ہے۔