پلوامہ: نقلی پستول سے لوٹ کی کوشش، ملزم گرفتار

پولیس اسٹیشن اونتی پورہ نے ایک شخص کو اس وقت گرفتار کیا جب وہ نیشنل ہائوے پر بارسو اونتی پورہ کے قریب ایک شخص کو لوٹنے کی کوشش کر رہا تھا۔

اونتی پورہ پولیس نے دعویٰ کیا کہ انھوں نے بڈگام سے تعلق رکھنے والے ایک شخص کو گرفتار کیا ہے جو نقلی بندوق کی نوک پر ایک شخص کو لوٹنے کی کوشش کر رہا تھا۔

پولیس نے اس حوالے سے کیس درج کر کے مزید کارروائی شروع کی ہے۔ پولیس کی جانب سے موصولہ ایک بیان میں بتایا کہ پولیس اسٹیشن اونتی پورہ نے ایک شخص کو اس وقت گرفتار کیا جب وہ نیشنل ہائوے پر بارسو اونتی پورہ کے قریب ایک شخص سے زبردستی رقم لینے کی کوشش کر رہا تھا۔

پولیس نے شہری کی شناخت محمد رفیق شیخ ولد عبد الرحمن شیخ ساکن دلوچھ بیروہ، بڈگام کے نام سے کی۔ تلاشی کے دوران اس کے قبضے سے ایک نقلی پستول، ایک چاقو اور چار ایس ایل آر راؤنڈ برآمد کیے۔ مزکورہ شخص کو گرفتار کر کے تھانہ اونتی پورہ منتقل کردیا گیا ہے جہاں وہ زیر حراست ہے۔ پولیس نے مختلف دفعات کے تحت مقدمہ درج کیا۔