موبائل نہ ملنے پر خودکشی کی

جنوبی کشمیر کے ضلع پلوامہ کے ایک گاؤں میں ایک لڑکے نے آن لائن پب جی گیم کی خاطر بھائی سے موبائل فون حاصل کرنے میں ناکام ہونے کے بعد اپنی زندگی کا خاتمہ کر دیا۔

پلوامہ کے قصبہ یار کے لوگوں کے مطابق دونوں بھائیوں میں آن لائن پب جی گیم کی خاطر موبائل حاصل کرنے کے لیے آپس میں لڑائی کرتے تھے۔ جس میں چھوٹے بھائی نے موبائل حاصل کرنے میں کامیابی پائی جس کے بعد بڑا بھائی اسرار احمد ولد فاروق احمد غصہ ہو کر اپنے کمرے میں چلا گیا۔ اس کے بعد بڑے بھائی نے اپنے کمرے میں جاکر پھانسی لگا لی۔

مقامی لوگوں کا کہنا ہے کہ جوں ہی گھر والوں نے بڑے بیٹے کو کمرے میں لٹکتا ہوا پایا تو انہوں نے اسے ڈسڑکٹ ہسپتال پلوامہ میں داخل کیا جہاں ڈاکٹروں نے اسے مردہ قرار دیا۔

گزشتہ برس سات جولائی کو سرینگر کے انیس سالہ نوجوان عاصم بشیر بھی پب جی گیم کی نذر ہو گیا تھا۔