BJP Awami Darbar in Awantipora: اونتی پورہ میں بی جے پی کی جانب سے عوامی دربار منعقد

گوری پورہ اونتی پورہ میں بی جے پی کی جانب سے عوامی دربار کا انعقاد کیا گیا جس میں علاقہ کے لوگوں نے لیڈارن کے سامنے اپنے مسائل رکھے اور انہیں فوری طور پر حل کرنے کی اپیل کی۔BJP Awami Darbar in Awantipora

اونتی پورہ:بھارتیہ جنتا پارٹی کی جانب سے آج گوری پورہ اونتی پورہ میں عوامی دربار کا اہتمام کیا گیا۔ عوامی دربار میں بی جے پی کے سینیئر لیڈارن نے شرکت کی۔BJP Awami Darbar in Awantipora

عوامی دربار میں بی جے پی جموں و کشمیر ترجمان الطاف ٹھاکر اور نائب صدر پلوامہ محمد شفیع وانی بھی موجود تھے۔ عوامی دربار میں گوری پورہ کے مقامی لوگوں کی بڑی تعداد نے شرکت کر کے اپنے مسائل لیڈران کی نوٹس میں لائے۔ اس موقع پر محمد شفیع وانی نے اپنے پی آر آئی فنڈس میں مقامی پرائمری اسکول کے لیے چھ لاکھ روپے اور اسکول لیب کے لیے دو کمپوٹر دینے کا اعلان کیا ہے۔

اس موقع پر الطاف ٹھاکر نے میڈیا کو بتایا کہ بی جے پی حکومت سب کا ساتھ سب کا وکاس نعرے کو لے کر آگے بڑھ رہی ہے اور اس ضمن میں آج گوری پورہ میں عوامی دربار کا اہتمام کیا تھا۔ الطاف ٹھاکر نے لوگوں کو یقین دلایا کہ وہ گوری پورہ میں عوام کو درپیش مسائل کے بارے میں کام کرتے رہیں گے۔