ترال۔حاجن میں ریچھ کے حملے میں نوجوان زخمی

لڑکے پر ریچھ جھپٹ پڑا اور اس کو شدید زخمی کردیا، جس کے بعد اسے ڈسٹرکٹ اسپتال ترال میں داخل کرایا گیا جہاں ابتدائی علاج کے بعد اس کو سرینگر کے ایس ایم ایس ایچ سرینگر منتقل کیا گیا۔

ترال کے قریبی علاقہ حاجن میں ریچھ کے حملے سے پندرہ سالہ نوجوان منیر احمد گوجر زخمی ہوگیا۔ ایک ریچھ اس پر جھپٹ پڑا اور اس کو شدید زخمی کردیا۔ جس کے بعد ڈسٹرکٹ اسپتال ترال میں اسے داخل کرایا گیا جہاں ابتدائی علاج معالجے کے بعد اس کو سرینگر کے ایس ایم ایس ایچ سرینگر منتقل کیا گیا۔

مقامی لوگوں نے بتایا کہ علاقے میں ریچھوں سے پورے گاؤں کی آبادی محصور ہوکر رہ گئی ہے۔

جب کہ وائلڈ، لائف محکمہ کے ملازمین خاموش تماشائی بنے ہوئے ہیں انھوں نے انتظامیہ سے اپیل کی کہ گاؤں میں ریچھوں کو قابو کرنے کے لیے اقدامات کیے جائیں۔