بی ڈی سی چیئرمین نے افسران کے ساتھ میٹنگ کی

میڈیا کے ساتھ بات کرتے ہوئے اوتار سنگھ نے بتایا کہ کوروناوائرس سے پیدا شدہ صورتحال کے بعد آج انہوں نے مختلف محکموں کے سب ضلعی سربراہان سے جانکاری حاصل کی۔

جنوبی ضلع پلوامہ کے سب ضلع ترال میں مختلف محکموں کی کار گزاری کا جائزہ لینے کے لئے مقامی بی ڈی او آفس میں ایک میٹنگ کا انعقاد کیا گیا تھا جس کی صدارت بی ڈی سی چیرمین اور بھاجپا رکن اوتار سنگھ نے کی۔

اس موقع پر مختلف محکموں کے افسران جن میں بجلی، جل شکتی، سوشل ویلفیئر، ہیلتھ، دیہی ترقی اور دیگر محکموں کے افسران نے اپنے محکموں کا تفصیلی خاکہ پیش کیا اور عوام کو دی جانے والی سہولیات کے متعلق بی ڈی سی چیرمین کو جانکاری دی۔
میڈیا کے ساتھ بات کرتے ہوئے اوتار سنگھ نے بتایا کہ کوروناوائرس سے پیدا شدہ صورتحال کے بعد آج انہوں نے مختلف محکموں کے سب ضلعی سربراہان سے جانکاری حاصل کی۔

انہوں نے بتایا کہ عارضی منریگا ملازمین کو لیکر انہوں نے ایل جی اور دیگر اعلیٰ حکام کو مطلع کیا ہے اور وہ ایک مرتبہ پھر ایل جی سے ان ملازمین کو دیہی ترقی محکمے میں ضم کرنے کی اپیل کریں گے۔