پلوامہ: کورونا وائرس کے سبب بکر والوں کا کاروبار متاثر

مہلک وبا کورونا وائرس کے سبب رواں برس قربانی کے جانور فروخت کرنے والے بکروالوں کا کاروبار بری طرح متاثر ہورہا ہے۔ سیکنڑوں کلو میٹر مسافت طے کرنے کے بعد بڑی مشکل سے انہیں کوئی خریدار مل رہا ہے۔

عید الاضحٰی کے پیش نظر ان دنوں قربانی کے جانوروں کی خرید و فروخت کا معاملہ اپنے عروج پر ہوا کرتا تھا اور لوگ قربانی کے جانوروں کی خریداری کرنے میں کافی مشغول نظر آتے تھے۔

تاہم رواں برس عالمی وبا کورونا وائرس کے سبب بازار سنسان اور سڑکیں ویرآن نظر آرہی ہیں، جس کا اثر قربانی کے جانوروں کی خریدوفروخت پر پڑ رہا ہے۔

اس سلسلے میں قربانی کے جانور فروخت کرنے والے کچھ بکروالوں نے کہا کہ رواں برس انہیں کئی طرح کے مشکلات کا سامنا کرنا پڑ رہا ہے جو ان کے لیے باعث تشویش ہے۔

انہوں نے کہا کہ' ان دنوں وہ اپنی بھیڑ بکریاں فروخت کر کے سال بھر کا روزگار جمع کرتے تھے تاہم اس بار سینکڑوں کلو میٹر کی مسافت طے کرنے کے بعد بھی انہیں کوئی خریدار نہیں مل رہا ہے۔

بکروالوں نے کہا کہ' کوروناوائرس اور لاک ڈاؤن کی وجہ سے انہیں خریدار نہیں مل رہے ہیں وہی انہیں کسی جگہ پر رکنے کی اجازت بھی نہیں دی جا رہی ہے جس سے انہیں مال بھیجنے میں کافی دقتوں کا سامنا کرنا پڑھ رہا ہے۔

انہوں انتظامیہ سے اپیل کی کہ ان کے لیے منڈی قاٸم کی جائے، تاکہ انہیں در در گھومنا نہ پڑے اور انہیں خریدار بھی ملیں۔

مذکورہ بکروالوں نے انتظامیہ سے اپیل کی کہ انتظامیہ ان کے لیے کوٸی معقول قیمت مقرر کرے تاکہ ان کا بھی نقصان نا ہو اور خریداروں کے ساتھ بھی انصاف ہو سکے۔