پلوامہ: آیوش یونٹ میں مفت طبی کیمپ

محکمہ آیوش نے کووڈ 19 کے دوران اپنے فرائض انجام دیے، کووڈ 19 کے دوران محکمے کی جانب سے لوگوں میں مختلف اقسام کی ادویات تقسیم کی گئیں۔

آج ضلع پلوامہ کے آیوش یونٹ نے انڈین سسٹم آف میڈیسن کے اشتراک سے مفت آیوش میڈیکل کیمپ کا اہتمام کیا جس میں سینکڑوں مریضوں نے شرکت کی۔ مفت میڈیکل کیمپ میں مرد کے علاوہ خواتین مریضوں نے شرکت کی۔ کئی مریضوں نے ڈاکٹروں کی صلاح لیں۔ ڈاکٹرز نے مریضوں میں مفت ادویات بھی تقسیم کیں۔

محمکہ آیوش کی جانب سے لوگوں کو دیگر موقعوں پر مفت ادویات دی جاتی ہیں، وہیں آیورویدک ادویات کے بارے میں لوگوں کو جانکاری دینے کے لیے ہر مہینے اس میڈیکل کیمپ کا اہتمام عمل میں لایا جاتا ہے۔

محکمہ آیوش نے کووڈ 19 کے دوران اپنے فرائض انجام دیے، کووڈ 19 کے دوران محکمے کی جانب سے لوگوں میں مختلف اقسام کی ادویات تقسیم کی گئیں۔

اس سلسلے میں آیوش یونٹ کے انچارج افسر ڈاکٹر الطاف شاہ نے بتایا کہ 'ہم نے انڈین سسٹم آف میڈیسن کے اشتراک سے آیوش یونٹ پلوامہ میں مفت طبی کیمپ کا اہتمام کیا۔ ہم ہر مہینے اس کا انعقاد کرتے ہیں تاکہ لوگوں کو انڈین سسٹم آف میڈیسن اور آیورویدک ادویات کے بارے میں جانکاری حاصل ہو۔ ہمارے یونٹ میں ہر قسم کی ادویات موجود ہیں جو ہم لوگوں میں مفت تقسیم کرتے ہیں۔'

انہوں نے مزید کہا کہ 'ضلع پلوامہ اور ضلع شوپیان کے لوگ آیورویدک علاج پر زیادہ بھروسہ کرتے ہیں۔ مستقبل میں بھی ایسے کیمپ منعقد کیے جاتے رہیں گے۔'