جنوبی کشمیر کے ترال علاقے کے ڈاڈسرہ میں چند نوجوان کی طرف سے گذشتہ روز بینک گارڈ پر کلہاڑی سے حملہ کر کے اسکی بارہ بور رائفل چھین لی تھی، جسے آج برآمد کر لیا گیا ہے۔
پولیس نے دعویٰ کیا ہے کہ انہوں نے محض تیس گھنٹوں کے اندر رائفل برآمد کی ہے۔
پولیس نے بتایا 'ڈاڈسرہ بینک کی شاخ میں نصب کیے گئے سی سی کیمروں کی مدد سے دو نوجوانوں کی شناخت ظاہر ہوئی، جسکے بعد انکی در پکڑ کے لیے کاروائی شروع کی گئی اور ایک کو گرفتار کر لیا گیا جبکہ دوسرا ابھی مفرور ہے'۔
واضح رہے کہ گزشتہ روز صبح ساڑھے دس کے قریب ڈاڈسرہ میں قائم مقامی بینک شاخ کے سیکورٹی گارڈ پر کلہاڑی سے حملہ کر کے اسکی آنکھوں میں مرچی ڈال کر رائفل چھین لی تھی۔
یہ بھی پڑھیے
حصار: زراعت بل کے خلاف کسانوں کا چکا جام
گذشتہ روز اس سلسلہ میں پولیس نے ایک بیان جاری کیا تھا، جس میں انہوں نے کہا کہ شوکت احمد حجام نامی سیکیورٹی گارڈ سے نامعلوم افراد نے رائفل چھین لی۔ انہوں نے یہ بھی کہا تھا کہ واقعہ کی ویڈیو حاصل کی گئی ہے اور حملہ آوروں کی پہچان کی جا رہی ہے۔ جس کے بعد آج انہوں نے رائفل برآمد کر لی ہے۔
