عسکریت پسندوں میں شامل نوجوان گھر واپس

پولیس کے مطابق عسکریت پسندی سے نمٹنے کے دوران عوامی جان ومال کا تحفظ ان کی ترجیحات میں شامل ہے اور اسی لیے انھوں نے اس ضمن میں کوشش کی جس کے بہترین نتائج سامنے آئے ہیں۔

جموں و کشمیر میں اونتی پورہ پولیس نے دعویٰ کیا ہے کہ اس نے ممنوعہ تنظیم البدر میں شامل ہوئے ایک نوجوان کو عسکریت پسندوں کے چنگل سے چھڑا کر گھر واپس پہنچایا ہے۔

پولیس نے کہا کہ انہوں نے نوجوان کو عسکریت پسندی کو خیر آباد کہنے کے لیے رضامند کیا ہے۔

پولیس نے ایک ٹویٹ کے زریعے یہ دعویٰ کیا ہے 'اس نے سیکورٹی فورسز اور والدین کے باہمی اشتراک سے نوجوان کو عسکریت پسندی کو چھوڑنے کے لیے رضامند کیا، جو حال ہی میں البدر نامی عسکری تنظیم کے ساتھ شامل ہوا تھا'۔

ٹویٹ

پولیس کے مطابق عسکریت پسندی سے نمٹنے کے دوران عوامی جان ومال کا تحفظ انکی ترجیحات میں شامل ہے اور اسی لیے انھوں نے اس ضمن میں کوشش کی جسکے بہترین نتائج سامنے آئے ہیں۔

جموں و کشمیر میں پولیس کو یہ دوسری کامیابی ملی ہے، اس سے پہلے بھی پولیس نے ایک نوجوان کو عسکریت پسندی کو چھوڑنے کے لیے رضامند کیا تھا۔