اونتی پورہ: ماسک نہ پہننے پر پولیس کی کارروائی

پولیس نے ماسک نہ لگانے والے 58 افراد سے جرمانہ وصول کیا اور عوام سے احتیابی تدابیر پر عمل کرنے کی اپیل کی۔

عالمی وبا کورونا وائرس کی دوسری لہر کے مد نظر اونتی پورہ پولیس نے آج پولیس ڈسٹرکٹ اونتی پورہ کے تحت آنے والے علاقوں ترال، اونتی پورہ اور پامپور میں ماسک نہ پہننے والے افراد کے خلاف کارروائی کی۔

پولیس نے لاوڈ اسپیکرز کا استعمال کرتے ہوئے عوام کو وبا کے متعلق جانکاری فراہم کی اور ساتھ ہی ماسک پہننے کی ترغیب دی۔

اس موقع پر ماسک نہ لگانے والے 58 افراد سے جرمانہ بھی وصول کیا گیا اور پولیس نے عوام کو احتیابی تدابیر پر عمل کرنے کی اپیل کی۔

وہیں عوامی حلقوں نے بھی پولیس کی جانب سے اس کارروائی کی ستائش کی ہے۔