اونتی پورہ میں منشیات فروش گرفتار

اونتی پورہ پولیس نے آج ایک منشیات فروش کو گرفتار کیا ہے، جس کے قبضے سے پانچ کلو گرام نشیلی اشیاء بھی برآمد ہوئی ہے۔

ضلع پلوامہ کے اونتی پورہ میں منشیات کے خلاف جاری مہم کے دوران پولیس نے آج ایک اور منشیات فروش کو گرفتار کر اسے سلاخوں کے پیچھے ڈال دیا ہے۔

تفصیلات کے مطابق اونتی پورہ میں بیگ پورہ کراسنگ پر معمور پولیس اہلکاروں نے ایک شخص کو مشکوک حالت میں گھومتے ہوئے دیکھ کر پولیس نے اسکی تلاشی لی۔

تلاشی کے دوران اسکے قبضے سے پانچ کلو گرام چرس برآمد کیا گیا، جسکی مالیت بین الاقوامی بازار میں لاکھوں روپے بتائی جا رہی ہے۔

منشیات فروش کی شناخت بلال احمد بٹ ساکن رینزی پورہ کے بطور ہوی ہے، پولیس نے مذکورہ منشیات فروش کو گرفتار کر کے اسکے خلاف ایف آئی آر درج کیا ہے۔