Independence Day Function Preparation: ترال میں یوم آزادی کیلئے انتظامات کی جائزه میٹنگ

سب ضلع ترال کے اے ڈی سی شبیر احمد رینہ کی صدرات میں آج ٹاؤن ہال ترال میں یوم آزادی کی تقربیات کے سلسلے میں میٹنگ منعقد ہوئی۔ میٹنگ میں تمام افسران نے شرکت کی۔Independence Day Function Preparation in Tral

ترال: سب ضلع ترال میں یوم آزادی کی تقریب کو احسن طریقے سے منانے کے لیے انتظامات کا جائزہ لینے کے لیے ٹاون ہال میں ایک میٹنگ منعقد ہوئی۔ میٹنگ کی صدارت اے ڈی سی ترال شبیر احمد رینہ نے کی۔ وہیں میٹنگ میں ترال اور آری پل کے تحصیلداروں، آر ایند بی، صحت عامہ، میونسپلٹی، پوليس، بجلی اور دیگر محکمہ جات کے آفیسران نے شرکت کی۔

میٹنگ میں آفیسران پر زور دیا کہ وہ یوم آزادی کی تقریب کو احسن ڈھنگ سے منعقد کرانے کے لیے تمام سہولیات دستیاب کرائیں۔ اے ڈی سی ترال شبیر احمد رینہ نے ای ٹی وی بھارت کو بتایا کہ آج کی میٹنگ میں اس بات پر بحث کی گئی کہ کس طرح یوم آزادی کا دن تزک واحتشام کے ساتھ منایا جائے۔ انہوں نے کہا کہ اس سلسلے میں سب ضلع اتطامیہ نے پہلے ہی انتطامات کیے ہیں۔