پامپور میں فوج نے کراس کنٹری ریس کا انعقاد کیا

50 آر آر کے افسران نے شرکا کی کاوشوں کو سراہا اور ان سے خاص طور پر نوجوانوں کو مختلف معاشرتی برائیوں کے خاتمہ اور معاشرتی ہم آہنگی کو برقرار رکھنے کے لئے معاشرے میں مثبت کردار ادا کرنے کی تلقین کی۔

ضلع پلوامہ کے قصبہ پانپور میں نوجوانوں کو ایک پلیٹ فارم مہیا کرنے اور ان کی جسمانی نشونما کو برقرار رکھنے کی کوششوں سے جاری رکھتے ہوئے فوج کی 50 آر آر نے کراس کنٹری دوڑ کا اہتمام کیا یہ دوڑ تل باغ پانپور سے لالپورہ جھیل تک منعقد کی گئی، جس میں قصبہ پانپور کے مختلف علاقوں سے آۓ پچاس سے زیادہ نوجوانوں نے شرکت کی۔

اس موقع پر 50 آر آر فوج کے افسراں و دیگر اہلکار بھی موجود تھے۔ دوڑ میں بہترین کاکردگی دکھانے والے پہلے دس نوجوانوں کو انعامات دیئے گئے، اس کے علاوہ دوڑ میں حصہ لینے والے تمام شرکا کو انعامات سے نوازا گیا۔

50 آر آر کے افسران نے شرکا کی کاوشوں کو سراہا اور ان سے خاص طور پر نوجوانوں کو مختلف معاشرتی برائیوں کے خاتمہ اور معاشرتی ہم آہنگی کو برقرار رکھنے کے لئے معاشرے میں مثبت کردار ادا کرنے کی تلقین کی۔

نوجوانوں نے صحت مند زندگی، ذمہ دارانہ طرز عمل اور روشن خیال ذہنیت کے لئے اپنے جسم، دماغ اور روح کی تربیت کا بھی عہد کیا۔ شرکا میں بھرپور جوش و جذبہ دکھاٸی دے رہا تھا۔

نوجوانوں نے کہا 'ہمیں خوشی ہے کہ فوج نے ہمارے لئے روڑ ریس کا ایک پروگرام منعقد کیا ہے۔ ہم فوج کا شکریہ ادا کرتے ہیں'۔