جنوبی کشمیر کے ترال علاقے میں واقع لاڈی یار گاوں میں فوج نے سوچھ بھارت ابھیان میونسپل کمیٹی ترال کے صفائی ملازمین کے ساتھ مل کر گلی کوچوں کی صفائی ستھرائی کی۔
اس دوران مقامی لوگوں کے لیے ایک فری میڈیکل کیمپ کا انعقاد بھی کیا گیا، جس میں سینکڑوں افراد کا علاج و معالجہ کیا گیا اور ان میں مفت دوائیاں تقسیم کی گئیں، یہ پروگرام فوج کے 42 آرآر ہردومیر کیمپ کی طرف سے کیا گیا تھا جس میں گاوں کی آبادی نے بڑھ چڑھ کر حصہ لیا۔
فوج کی جانب سے صفائی مہم اور میڈیکل کیمپ کا انعقاد
مقامی نمبردار جلال الدین نے کہا 'ہم فوج کے شکر گزار ہیں جنھوں نے لاڈی یار گاوں میں صفائی مہم چلائی اور میڈیکل کیمپ کا انعقاد کیا جس سے لوگوں کی ایک بڑی تعداد نے استفادہ کیا۔