آرمی کی جانب سے اونتی پورہ میں تمدنی پروگرام کا انعقاد

وکٹر فورس کے جی او سی ریشم بالی نے نوجوانوں کو صحیح راستہ اختیار کرنے کی اپیل کی اور کہا کہ کسی کے بہکاوے میں نہ ائے۔

کشمیری تہذیب وتمدن کو ایک نئی جلا بخشنے اور اسکی طرف عام لوگوں کو متوجہ کرنے کی ایک کوشش کے بطور آرمی نے آج وکٹر فورس ہیڈ کوارٹر اونتی پورہ میں 'آلو' نامی پروگرام کا انعقاد کیا، جس میں وادی بھر سے آئے ہوئے فنکاروں نے حصہ لیکر اپنے فن کا مظاہرہ کیا اور حاضرین کو محظوظ کیا۔

اس موقع پر فنکاروں نے صوفیانہ، فولک میوزک، گوجری اور دیگر قسم کے روایتی نغمے گا کر اپنے فن کا مظاہرہ کیا اور حاضرین سے داد تحسین حاصل کی۔

فوج کی طرف سے اس پروگرام کو کامیاب بنانے کے لیے انتظامات کئے گئے تھے۔پروگرام کا افتتاح وکٹر فورس کے جی او سی میجر جنرل ریشم بالی نے کیا۔ جبکہ لوگوں بالخصوص نوجوانوں کی ایک بڑی تعداد نے پروگرام میں شرکت کر کے اس کو یادگار بنا دیا۔

پروگرام کے آخر پر انعامی تقریب منعقد ہوئی جس میں فنکاروں کو انعامات سے نوازا گیا۔

وکٹر فورس کے جی او سی ریشم بالی نے نوجوانوں کو صحیح راستہ اختیار کرنے کی اپیل کی اور کہا کہ کسی کے بہکاوے میں نہ ائے۔

انہوں نے میڈیا سے گفتگو کرتے ہوئے بتایا کہ کشمیری کلچرل کو بڑھاوا دینے کے لیے اور عوام کو یہ تاثر دینے کے لیے کہ فوج ان کے ساتھ شانہ بشانہ کھڑی ہے کے لیے اس پروگرام کا انعقاد کیا گیا تھا۔

واضح رہے کہ وکٹر فورس کی طرف سے منعقدہ اس پروگرام کو گلستان انسٹچیوٹ اور گجر بکروال کانفرنس کا اشتراک تھا۔ گجر بکروال کانفرنس کے سینئر رہنما چودھری محمد یاسین پوسوال بھی اس موقع پر موجود تھے۔