کور کمانڈرنے پلوامہ میں سکیورٹی صورتحال کا جائزہ لیا

دفاعی ذرائع نے بتایا کہ کور کمانڈر لیفٹیننٹ جنرل راجیو گھائی نے ہفتے کے روز پلوامہ اور اونتی پورہ کا دورہ کیا اور وہاں پر فوج کے سینیئر آفیسروں کے ہمراہ سکیورٹی صورتحال اور فوج کی تیاریوں کا جائزہ لیا۔ security situation in south Kashmir

پلوامہ:فوج کی پندرہویں کمان کے کمانڈر لیفٹیننٹ جنرل راجیو گھائی نے ہفتے کے روز پلوامہ کا دورہ کیا اور وہاں پر سکیورٹی منظر نامے کا جائزہ لیا
دفاعی ذرائع نے بتایا کہ کور کمانڈر لیفٹیننٹ جنرل راجیو گھائی نے ہفتے کے روز پلوامہ اور اونتی پورہ کا دورہ کیا اور وہاں پر فوج کے سینیئر آفیسروں کے ہمراہ سکیورٹی صورتحال اور فوج کی تیاریوں کا جائزہ لیا۔ انہوں نے کہا کہ اس موقع پر گراونڈ پر تعینات کمانڈروں نے آپریشنل تیاریوں اور تازہ سیکورٹی صورتحال کے متعلق بریف کیا۔

سرینگر نشین دفاعی ترجمان نے ایکس پر جانکاری فراہم کرتے ہوئے بتایا کہ کارپس کمانڈر جنرل راجیو گھائی نے ہفتے کے روز اونتی پورہ پلوامہ میں سیکورٹی کی موجودہ صورتحال کا جائزہ لینے اور موسم سرما کے دوران سیکورٹی گرڈ کو مزید مضبوط کرنے کے حوالے سے سیکورٹی جائزہ میٹنگ کی صدارت کی۔فوجی کمانڈر نے سرگرم ملی ٹینٹوں اور ان کے مدد گاروں کے خلاف چلائے جارہے کامیاب آپریشنز پر جوانوں کی تعریف کی۔

واضح رہے کہانسپکٹر جنرل آف پولیس وی کے بردی نے آج جنوبی کشمیر کے اونتی پورہ کا دورہ کیا اور وہاں سکیورٹی جائزہ میٹنگ کی صدارت کی۔ اس موقع پر ڈی آئی جی ساؤتھ کشمیر رئیس محمد بھٹ، ایس ایس پی اونتی پورہ اعجاز احمد زرگر اور پولیس ضلع کے دیگر سینئر افسران بھی موجود تھے۔ میٹنگ میں حفاظتی اقدامات کو بڑھانے، پولیس ڈسٹرکٹ اونتی پورہ میں کمیونٹی کی شمولیت کو فروغ دینے، او جی ڈبلو کے خلاف قانونی کارروائی اور منشیات کی لعنت کو روکنے کے لیے اسٹریٹجک اقدامات پر توجہ مرکوز کی گئی۔