اونتی پورہ:اسلامک یونیورسٹی اونتی پورہ میں آج انسداد منشیات کے حوالے سے ایک روزہ سیمنار کا اہتمام کیا گیا۔ سیمنار میں پروفیسر شیخ اعجاز عزیز سابق ہیڈ ڈیپارٹمنٹ آف آنکالوجی سکمز صورہ بطور مہمان خصوصی شامل ہوئے، جبکہ عالم دین مفتی ضیاء الدین مہمان زی وقار کی حیثیت سے شامل ہوئے۔ اس موقع پر ڈاکٹر نثار احمد ترالی بھی موجود رہے۔Anti Drug Seminar In Islamic university Awantipora
سیمنار میں منشیات کی تباہ کاریوں اور اس کے بچاو کے حوالے سے اسکالرس نے مفصل روشنی ڈالی۔ مدعو اسکالرس نے سامعین پر زور دیا کہ منشیات کی وباء کو روکنے کے لیے وہ ہمہ تن تیار رہیں اور اپنے ساتھ ساتھ اپنے سماج کو اس مہلک وباء سے بچانے کے لیے خود کو وقف کریں تاکہ سماج صاف وپاک رہے۔Drug Awareness in society
ڈاکٹر نثار احمد ترالی نے بتایا کہ ایک بار جب کوئی شخص منشیات میں مبتلا ہوتا ہے تو پھر اس کو ٹریک پر واپس لانا مشکل ہوتا ہے۔
وہیں علام دین مفتی ناظم نے بتایا کہ اس وقت کشمیراس مہلک وباء کی زد میں آگئی ہے اور اس بارے میں علمائے کرام کو اپنی کوششیں تیز کرنی چاہیے اور مسجد کے منبر و محراب پر اس حوالے سے بات ہونی چاہیے۔
میڈیا سے بات کرتے ہوئے شعبہ روحانیات کے رکن حمید نسیم رفیع آبادی نے بتایا کہ منشیات کی وباء کو قدغن لگانے کے لیے سیمنار منعقد کرنے کا مقصد یہ ہے کہ سماج میں اس حوالے سے آگاہی پھیلائی جائے۔
انھوں نے اس بات پر حیرانگی کا اظہار کیا کہ وادی کے قرب وجوار میں ڈرگ دستیاب ہے جس پر انتظامیہ کو لگام لگانے کی کوشش کرنی چاہیے۔
مزید پڑھیں:Anti-Drug Rally ای ٹی وی بھارت کی خبر کا اثر، جموں و کشمیر ٹیچرس ایسوسی ایشن نے منشیات مخالف ریلی کا اہتمام کیا
