بادام کی فصل پر موسم کی مار

میوہ کاشتکاروں کا ماننا ہے کہ گزشتہ برس کے مقابلے رواں برس بادام کی پیداوار میں پہلے ہی کمی واقع ہوئی ہے۔ اب بارش نہ ہونے سے کوالٹی بھی متاثر ہوگی جس سے اس سے منسلک میوہ کاشتکاروں کو مالی نقصان کا سامنا کرنا پڑے گا۔

رواں برس موسمی حالات کی وجہ سے وادی کشمیر میں کاشت ہونے والی مختلف فصلوں پر منفی اثرات مرتب ہورہے ہیں۔ دیگر فصلوں کی طرح بادام کی فصل خشک سالی کی شکار ہو رہی ہے۔

ضلع پلوامہ کے تین ہزار سے زائد ہیکٹر آراضی پر بادام کے باغات ہے، جن میں آبپاشی کی سہولیات نہ ہونے سے بادام کے باغات زیادہ تر بارش پر ہی منحصر ہے۔ تاہم رواں برس کشمیر میں گرمی کے دوران درجہ حرارت میں کافی اضافہ ہوا جس کے سبب بادام کی فصل متاثر ہو رہی ہے۔

وہیں بارش نہ ہونے سے وادی کے دیگر حصوں کی طرح پلوامہ میں بھی خشک سالی جیسی صورتحال پیدا ہوگئی ہے۔ فصل درختوں سے اُتارنے سے پہلے اس پر بارش ہونا ضروری ہے، جس سے بادام کی پیداواری صلاحت بڑھ جاتی ہے۔ تاہم اس بار ابھی تک بارش نہ ہونے سے بادام کی فصل کو نقصان ہونے کا خدشہ لاحق ہوگیا ہے۔میوہ کاشتکاروں کا ماننا ہے کہ گزشتہ برس کے مقابلے رواں برس بادام کی پیداوار میں پہلے ہی کمی واقع ہوئی ہے۔ اب بارش نہ ہونے سے کوالٹی بھی متاثر ہوگی جس سے اس سے منسلک میوہ کاشتکاروں کو مالی نقصان کا سامنا کرنا پڑے گا۔

تاہم محکمہ باغبانی کے آفیسر آر کے کوتوال کا کہنا ہے کہ پیداوار میں رواں سال کمی نہیں آئی ہے۔ لیکن خشک سالی سے رواں برس بادام کی پیداواری صلاحیت کچھ حد تک متاثر ہوسکتی ہے۔

واضح رہے پلوامہ کو بادام کی پیداوار میں کیلدی اہمیت حاصل ہے۔ گزشتہ برس 6000 سے زائد میٹرک ٹن پلوامہ سے بادام کی پیداوار ہوئی تھی، لیکن رواں برس خشک سالی سے کاشتکاروں میں کافی تشویش پیدا ہوگئی ہے۔