ڈی ڈی سی انتخابات: 'جنوبی کشمیر میں سیکیورٹی کے معقول انتظامات'

ریشم بالی نے بتایا کہ فوج کشمیر کے نوجوانوں کو مین اسٹریم میں لانے کے لیے وعدہ بند ہے اور اب تک چھ سے زائد نوجوانوں نے خودسپردگی کی ہے۔

ڈی ڈی سی انتخابات کے لیے جنوبی کشمیر میں سیکورٹی کے معقول انتظامات کئے گئے ہیں اور لوگ ان انتخابات میں بڑھ چڑھ کر شامل ہوں گے۔ ان خیالات کا اظہار جی او سی وکٹر فورس ریشم بالی نے ایک کلچرل پروگرام کے بعد پریس بریفنگ میں ای ٹی وی بھارت کے نمائندے کی جانب سے پوچھے گئے ایک سوال کے جواب میں کیا۔

انہوں نے بتایا کہ جنوبی کشمیر میں سیکورٹی صورتحال بہتر ہے اور فوج کسی بھی امکانی صورتحال کا مقابلہ کرنے کے لئے پوری طرح تیار ہیں۔

ریشم بالی نے بتایا کہ 'آپ لوگ بے فکر رہیں، انتخابات اچھی طرح منعقد ہوں گے اور عوام ان انتخابات میں بڑھ چڑھ کر شامل ہوں گے۔'

سرینڈر پالیسی پر بات کرتے ہوئے موصوف نے بتایا کہ فوج کشمیر کے نوجوانوں کو مین اسٹریم میں لانے کے لیے وعدہ بند ہے اور اب تک چھ سے زائد نوجوانوں نے خودسپردگی کی ہے۔

انہوں نے کہا کہ کئی مزید نوجوانوں نے سرینڈر کیا جن کا نام ظاہر نہیں کیا جا رہا ہے۔ ان کا کہنا تھا کہ فوج، کشمیری نوجوانوں کی ہر ممکن مدد کے لئے تیار ہے۔