گورنر کے مشیر بصیر احمد خان کا پلوامہ دورہ

مشیر بصیر احمد خان نے موسم سرما کے مشکلات سے نمٹنے کے لئے ضلع انتظامیہ کی طرف سے کی گئی انتظامات کا جائزہ لیا۔

آج گورنر کے مشیر بصیر احمد خان نے ضلع پلوامہ کا دورہ کیا، دورے کے دوران انہوں نے منی سیکرٹریٹ پلوامہ میں افسران کے ساتھ ایک جائزہ میٹنگ کی۔

اس دورہ کے دوران ان کے ہمراہ پولیس کے سربراہ کے علاوہ ڈویژنل کمشنر کشمیر بھی موجود رہے۔ مشیر بصیر احمد خان نے موسم سرما کے مشکلات سے نمٹنے کے لئے ضلع انتظامیہ کی طرف سے کیے گئے انتظامات کا جائزہ لیا۔

اس موقع پر انہوں نے ضلع انتظامیہ کو ہدایت دی کہ وہ موسم سرما میں کسی بھی صورتحال سے نمٹنے کے لئے قبل از وقت انتطامات کو حتمی شکل دے تاکہ موسم سرما کے ان ایام میں لوگوں کو کسی قسم کے مشکلات کا سامنا نہ کرنا پرٹے۔

میٹنگ میں ضلع ترقیاتی کمشنر پلوامہ ڈاکٹر راگو لنگر کے علاوہ متعلقہ محکموں کے افسران نے بھی شرکت کی۔