Vaccination of 15 - 17 Year Old Students: ترال میں 15 سے 17 برس کے نوجوانوں کے لئے ویکسینیشن مہم شروع

وادی کشمیر کے دیگر مقامات کی طرح جنوبی کشمیر کے ضلع پلوامہ میں بھی 15سے 17برس تک کی عمر کے نوجوانوں کو کورونا مخالف ویکسین کی خوراک Vaccination of 15 - 17 Year Old Students دی جا رہی ہے۔

ضلع پلوامہ کے ترال علاقے میں ایڈیشنل ڈپٹی کمشنر نے کورونا مخالف ویکسینیشن کا افتتاح کیا اس موقع پر محکمۂ صحت کے دیگر افسران بھی موجود تھے۔ قابل ذکر ہے کہ پیر سے ملک بھر میں 15 سے17 برس تک کی عمر کے نوجوانوں کو کورونا مخالف ویکسین کی ڈوز Vaccination of 15 - 17 Year Old Students دی جا رہی ہے۔

اس سے قبل جموں و کشمیر کے بیشتر علاقوں میں 18 برس سے زائد عمر کے افراد کی صد فیصد آبادی کو کورونا مخالف ویکسین دی جا چکی ہے۔

ایڈیشنل ڈپٹی کمشنر رال شبیر احمد رینہ نے ای ٹی وی بھارت کے ساتھ بات کرتے ہوئے بتایا کہ 15-18 سال کی عمر کے بچوں کے لیے ویکسینیشن مہم 3 جنوری سے ضلع بھر کے منتخب اسکولوں میں واقع مراکز پر چلائی جائے گی۔

انہوں نے کہا کہ جموں و کشمیر میں ویکسینین مہم کے دوران 8.33 لاکھ بچوں کو ٹیکہ لگانے کا ہدف مقرر کیا گیا ہے۔

انہوں نے مزید کہا کہ جموں و کشمیر انتظامیہ اس مہم کے لیے پوری طرح سے تیار ہے اور اس ضمن میں تمام ضروری انتظامات کر لیے گئے ہیں۔

ایڈیشنل ڈپٹی کمشنر نے اسکول ایجوکیشن افسران سے کہا کہ وہ بچوں کو آگے آنے اور ویکسین لگوانے کی ترغیب دیں۔

ویکسینیشن مہم کے دوران اہل نوجوانوں کو Covaxin کی ڈوز دی جائے گی۔ ہیلتھ افسران نے بتایا کہ ویکسین کی خوراک لینے والے بچوں کو 30 منٹ تک نگرانی میں رکھا جائے گا، انہیں ویکسین کی دوسری خوراک 28 دن کے بعد دی جائے گی۔