غیر حاضر ملازمین کے خلاف کارروائی

ایڈشنل ڈپٹی کمشنر ترال شبیر احمد رینہ کے مطابق سرکاری دفاتر میں ملازمین کی غیر حاضری ایک سنگین مسئلہ ہے۔

ایڈشنل ڈپٹی کمشنر ترال شبیر احمد رینہ نے آج آری پل تحصیل کے اچانک دورے کے دوران تقریبا دو درجن ملازمین کو اپنی ڈیوٹی سے غیر حاضر پاکر ان کی تنخواہوں کو بند رکھنے اور انہیں دو یوم کے اندر جواب دینے کا حکمنامہ جاری کیا ہے۔

تفصیلات کے مطابق سرکاری دفاتر میں ملازمین کے بارے میں غیر حاضری کی شکایات کے بعد ایڈشنل ڈپٹی کمشنر نے آج آری پل تحصیل کے مختلف دفاتر کا دورہ کیا جس، دوران محکمہ صحت، دہی ترقی اور محکمہ مال کے تییس 23 ملازمین کو اپنی ڈیوٹی سے غیر حاضر پایا گیا جس کے بعد موصوف نے غیر حاضر ملازمین کے خلاف کاروائی کرنے کے احکامات صادر کیے ہیں۔

ای ٹی وی بھارت کے ساتھ فون پر بات چیت میں ایڈشنل ڈپٹی کمشنر ترال شبیر احمد رینہ نے بتایا کہ سرکاری دفاتر میں ملازمین کی غیر حاضری ایک سنگین مسئلہ ہے اور آج انھوں نے 23 ملازمین کو ڈیوٹی سے غیر حاضر پاکر ان کی تنخواہ بند رکھنے اور ان کو اپنی پوزیشن واضح کرنے کی نوٹس جاری کی گئی ہے جبکہ یہ مہم جاری رہے گی کیونکہ ملازمین کو اپنی ڈیوٹی دیانتداری سے انجام دینی چاہیے۔