جنوبی کشمیر کے قصبہ پانپور میں عام آدمی پارٹی کے ذمہ داران اور کارکنان کی جانب سے ہفتہ کو ایک ورکرز میٹنگ کا انعقاد کیا گیا۔
اس موقع پر سینٹرل پریذیڈنٹ نے عام آدمی پارٹی ورکرز کو پارٹی منشور کے بارے میں جانکاری فراہم کی۔ میٹنگ کے دوران کارکنان کو بتایا گیا کہ وہ کیسے عام لوگوں تک پہنچ کر انہیں پارٹی کے لائحہ عمل کو سمجھائیں۔
اس موقع پر ذمہ داران نے کہا کہ 'عام آدمی پارٹی نے جس طرح دہلی میں انقلاب لایا اور عوامی خدمات انجام دیں، اسی طرح وہ وادی کشمیر میں بھی کام کرنا چاہتے ہیں۔'
انہوں نے ورکرز سے یقین دہانی کرائی کہ 'عام آدمی پارٹی جموں کشمیر کی تعمیر و ترقی کے لئے ہر جگہ اور ہر سطح پر کام کرے گی۔'
دریں اثناء عام آدمی پارٹی نے جموں و کشمیر کی مقامی سیاسی جماعتوں کو تنقید کا نشانہ بناتے ہوئے ان پر کشمیری عوام کے ساتھ دھوکہ دہی اور استحصال کا الزام عائد کیا۔