Poor Family Seeks PAMY House For Years ترال پنگلش کا غریب کنبہ آشیانے سے محروم

عبدالرشید نے دیہی ترقی محکمے میں سات برس قبل پی ایم اے وائی کے تحت مکان فراہم کرنے کے لیے درخواست دی، کئی ٹیموں نے یہاں آکر رپورٹ بھی بنائی مگر آج تک اس غریب خاندان کا اپنے آشیانے کا خواب پورا نہیں ہوا۔ Poor Family Seeks PAMY House For Years

ترال:ایک طرف جہاں ایل جی انتظامیہ خط افلاس سے نیچے زندگی گزارنے والے افراد کے لیے آشیانہ فراہم کرنے کے دعوے کر رہے ہیں اور پردھان منتری آواس یوجنا اور دیگر مرکزی معاونت والی اسکیموں کے تحت غریب افراد کو دیہی ترقی محکمہ کے ذریعے گھر فراہم کرنے کی مہم کی بڑے پیمانے پر تشہیر کی جا رہی ہے۔ وہیں ترال علاقے کے پنگلش گاؤں میں خط افلاس سے نیچے زندگی گزارنے والا ایک کنبہ ایک ٹین کے شیڈ میں زندگی گزارنے پر مجبور ہے۔ Poor Family Seeks PAMY House For Years

محکمہ دیہی ترقی کے حکام کی یقین دہانیوں کے باوجود اس مستحق کنبے کو ایک مکان ملنا آج بھی ایک خواب کے مانند ہے۔ اطلاعات کے مطابق پنگلش ترال کے گاؤں میں عبدالرشید گنائی کا کنبہ ٹین کے شیڈ میں رہنے پر مجبور ہے کیونکہ اس کنبے کے پاس اپنا ذاتی مکان نہیں ہے تاہم مذکورہ شہری جو کہ اپنے گاوں کا چوکیدار بھی ہے اور انتظامیہ کے ساتھ شانہ بشانہ کھڑا رہتا ہے۔ Jammu and Kashmir LG Claim on PMAY Houses

مذکورہ شخص نے دیہی ترقی محکمے میں سات برس قبل پی ایم اے وائی کے تحت مکان فراہم کرنے کے لیے درخواست دی جس کے بعد آج تک کئی ٹیموں نے یہاں آکر اس کی رپورٹ بھی بنائی مگر اپنے آشیانے کا خواب عبدالرشید نام کے اس شھری کا ابھی تک پورا نہیں ہوا۔

ای ٹی وی بھارت کے ساتھ بات کرتے ہوئے انھوں نے کہا کہ مرکزی حکومت بار بار یہ دعوے کرتی ہے کہ غریب شہریوں کے لیے مختلف اسکیموں کے ذریعے فائده پہنچایا جا رہا ہے لیکن زمینی سطح پر یہ رقومات نہیں پہنچتی۔ انھوں نے مزید بتایا کہ وہ اپنے اہل خانہ کے ساتھ اس ٹین شیڈ میں زندگی گزارنے کے لیے مجبور ہیں ان کی اہلیہ فاطمہ بیگم نے بتایا کہ وہ انتہائی کسمپرسی کی حالت میں زندگی گزار رہی ہیں ان کا بیٹا دماغی مریض ہے بیٹی شادی کی عمر کو پہنچ رہی ہے لیکن وہ ٹین شیڈ میں زندگی گزارنے پر مجبور ہیں اور گرمی کے دوران تو وہ باہر درختوں کے سایے میں سوتے ہیں لیکن اب سرما کی دستک کے ساتھ انہیں ڈر ہے کس طرح شدید سردی میں وہ اس شیڈ میں رہیں گے۔ Poor Family in Tral

فاطمہ کا کہنا تھا کہ وہ پچھلے پانچ سال سے مسلسل دیہی ترقی محکمہ کے چکر کاٹ رہی ہے لیکن اس سب کے باوجود ان کا اب تک گھر نہیں بنا۔اس بارے میں جب ای ٹی وی بھارت نے اے سی ڈی پلوامہ ڈاکٹر فرحت سے فون پر بات کی تو انھوں نے کہا کہ وہ معاملے کی نسبت دیکھیں گے اور مذکورہ شہری کو مکان فراہم کرنے کی کوشش کریں گے۔