Bulk Milk Cooler پلوامہ میں دودھ کو خراب ہونے سے بچانے کے لئے ملک کولر مشین کا استعمال کیا جارہا ہے

ضلع پلوامہ میں دودھ کے تاجروں نے ایک خاص پہل کی ہے اور موسم گرما میں دودھ کو خراب ہونے سے بچانے کے لئے بلک ملک کولر مشین کا استعمال کر رہے ہیں جس سے تاجروں کو بازار میں دودھ کی مناسب قیمت مل رہی ہے۔ Milk industry in pulwama

پلوامہ: جنوبی کشمیر کا ضلع پلوامہ دودھ کی پیداوار میں سب سے آگے ہے، یہاں سے روزانہ لاکھوں لیٹر دودھ وادی بھر میں فروخت کیا جا رہا ہے۔ اس کی پیداواری صلاحیت کو برقرار رکھنے کے لئے اب اس کاروبار سے وابستہ تاجر جدید ٹیکنالوجی کا استعمال کر رہے ہیں تاکہ عام لوگوں تک معیاری دودھ پہنچایا جا سکے۔ اس ضمن میں دودھ کے کاروبار سے وابستہ منظور احمد نے دودھ کی صلاحیت اور اس کو معیاری بنانے کے لیے ملک کولر کا استعمال کرنا شروع کردیا ہے۔ اس مشین سے دودھ کو ایک خاص درجہ حرارت پر ٹھنڈا کردیا جاتا ہے اور گرمی کے ایام میں دودھ کو خراب ہونے سے بچایا جا سکتا ہے اس سے نہ صرف کسانوں بلکہ اس کاروبار سے وابستہ افراد کو فائدہ ہوگا۔

اس ضمن میں مقامی لوگوں کا کہنا ہے کہ ٹیکنالوجی سے قبل بازار میں دودھ کو اچھی قیمت نہیں ملتی تھی تاہم اب ٹیکنالوجی کا استعمال ہو رہا ہے جس سے ہمیں دودھ کی معقول قیمت مل رہی ہے۔ انہوں نے کہا کہ اب ہمارے علاقے میں ملک کلکشن سنٹر پر بلک ملک کولر مشین نصب کی گئی ہے جس سے اب دودھ جلد خراب نہیں ہوگا۔ ساتھ ہی دودھ کی پیداوار کی صلاحیت میں اضافہ ہوگا۔ اس ضمن میں دودھ کے کاروباری منظور احمد نے بات کرتے ہوئے کہا کہ پہلے کسانوں کو کافی نقصان ہوتا تھا کیونکہ انہیں دودھ کی معقول قیمت نہیں مل رہی تھی، وہیں اب ٹیکنالوجی کا استعمال کرکے دودھ کی مناسب قیمت مقرر کی گئی ہے جس سے ہم کافی مطمئن ہیں۔

انہوں نے کہا کہ دودھ کے اس کاربار میں مزید جدیدیت لائی گئی اور بلک ملک کولر کا استعمال کیا کیا جا رہا ہے جس سے دودھ کو استعمال کرنے کی صلاحیت میں اضافہ ہوگا ساتھ ہی اس سے عام لوگوں تک معیاری دودھ پہنچے گا اور جلدی ہی خراب نہیں ہو گا۔ انہوں نے کہا کہ دودھ سے وابستہ دیگر کاروباریوں کو بھی اس طرح کی ٹیکنالوجی کا استعمال کرنا چاہئے تاکہ عام لوگوں کو معیاری دودھ ملے۔ یہ بات قابل ذکر ہے کہ بلک ملک کولر ایک ایسی میشن ہے جو دودھ کو ایک خاص درجہ حرارت پر ٹھنڈا کرنے اور رکھنے کے لیے استعمال کیا جاتا ہے۔