Woman Died in Kadalbal Pampore کدلبل پامپور کی ایک چالیس سالہ خاتون اپنے سسرال میں مشتبہ حالت میں فوت

جنوبی کشمیر کے پلوامہ ضلع کے زعفران ٹاؤن پانپور کے کدلبل علاقے کی ایک 40 سالہ خاتون اپنے سسرال میں مشتبہ حالت میں فوت ہوگئی۔ Woman Died in Kadalbal Pampore

پانپور:جموں وکشمیر کے ضلع پلوامہ کے زعفران ٹاؤن پانپور کے کدلبل علاقے کی رہنے والی ایک 40 سالہ خاتون کو بے ہوشی کی حالت میں سب ڈسٹرکٹ اسپتال پانپور پہنچایا گیا جہاں ڈاکٹروں نے اسے مردہ قرار دیا ہے۔ تحصیلدار پانپور زبیر احمد بھٹ، ایس ڈی پی او پامپور میر امتیاز احمد اور ایس ایچ او پامپور منیر احمد جائے موقع پر پہنچ گئے جہاں انہوں نے واقعہ کا جاٸزہ لیا۔ پولیس نے لاش کو سب ڈسٹرکٹ اسپتال پانپور پہنچایا ہے جہاں لاش کا پوسٹ مارٹم کر کے لاش کو آخری رسومات کے لیے رشتہ داروں کے حوالے کر دیا گیا ہے۔ A 40 year old woman of Kadalbal Pampore died under suspicious circumstances at her in laws house

دریں اثناء پانپور پولیس نے سیکشن 174 سی آر پی سی کے تحت ایف آئی آر درج کی ہے اور کہا ہے کہ انہوں نے معاملے کی تحقیقات شروع کر دی ہے۔ ادھر واقعہ کے فوراً بعد متوفی کے گھر والوں نے احتجاج کیا اور مبینہ طور پر اسے اس کے سسرال والوں کی جانب سے قتل کیے جانے کا الزام عائد کرتے ہوئے انتظامیہ کے افسروں سے معاملے کے حوالے سے تحقیقات کرنے پر زور دیا۔

واضح رہے کہ کشمیر میں مشتبہ موتوں کے سلسلہ دراز ہوتا جارہا ہے۔ قبل ازیں بھی ایک عرصہ قبل کولگام میں مشتبہ حالت میں خاتون کی موت واقع ہوئی تھی۔ جس پر مقامی خواتین نے شدید احتجاج کیا تھا۔ اہل خانہ کا الزام تھا کہ خاتون کا قتل کیا گیا ہے۔ خاتوں کو سُپرد خاک کرنے کے بعد علاقے کی عورتوں نے احتجاج کیا اور قصور واروں کے خلاف کارروائی کی مانگ کی تھی۔

اہل خانہ کے مطابق جب وہ اننت ناگ پہنچے تو وہاں پہلے سے ہی مکان میں آگ لگی ہوئی تھی۔ واضح رہے کہ آگ لگانے کے الزام میں خاتوں کے بھائی اور دو لڑکوں کو پولیس کی جانب سے گرفتار کیا گیا تھا۔ ہلاک شدہ خاتون کی بہن فریدہ نے کہا تھا کہ 'میری بہن کو قتل کیا گیا اور ایک سازش کے ذریعہ میرے بھائی کو حراست میں لیا گیا۔'' انہوں نے مطالبہ کیا تھا کہ میرے بھائی کو جلد از جلد رہا کیا جائے۔