پانپور: مولانا یاسین ہمدانی کے 29 ویں یوم وصال پر تقریب

مولانا محمد یاسین ہمدانی کے 29 ویں یوم وصال پر جنوبی کشمیر کے قصبہ پانپور میں ایک تقریب کے دوران علماء کرام نے ان کی مذہبی خدمات پر روشنی ڈالی۔ وہیں، تقریب کے بعد ان کے مقبرہ پر اجتماعی فاتحہ خوانی بھی کی گئی۔

وادی کشمیر کے مشہور عالم دین و میر واعظ جنوبی کشمیر مرحوم مولانا محمد یاسین ہمدانی کے29 ویں یوم وصال کے موقع پر جمعہ کو مختلف مقامات پر تقاریب منعقد ہوئیں۔

اس سلسلےمیں سب سے بڑی تقریب قدیم خانقاہ معلیٰ پانپور میں منعقد ہوئی جہاں علماء کرام نے مرحوم کو تاریخ ساز اسلامی شخصیت قرار دیتے ہوئے ان کی مذہبی خدمات، وعظ اور تبلیغ پر روشنی ڈالی۔

تقریب کی صدارت ان کے فرزند مولانا ریاض ہمدانی نے انجام دی جبکہ وادی کشمیر کے مختلف علاقہ جات سے آئے ہوئے علماء نے بھی اس موقع پر عوام سے خطاب کرتے ہوئے مرحوم کی حیات پر روشنی ڈالی۔

تقریب کے بعد مرحوم کے مقبرہ پر اجتماعی فاتحہ خوانی انجام دی گئی اور ان کے حق میں دعاء مغفرت کی گئی۔