کشمیر: سفر سے لوٹے 147 افراد قرنطینہ میں داخل

جموں و کشمیر کے ضلع پلوامہ میں انتظامیہ نے ایک مہم کے تحت جانچ ٹیموں کو مختلف علاقوں میں بھیجا ہے جنہوں نے ضلع کے مختلف علاقوں سے 147 افراد کو قرنطینہ میں لاکر رکھا ہے۔

سرولینس ٹیم نے پانپور،کاکاپورہ اور اونتی پورہ سے ان 147 افراد کو لایا گیا جنہوں نے سفر سے لوٹ کر خود کے بابت معلومات کو چھپایا تھا۔

اطلاع ملنے کے بعد ان افراد کو پانپور اور اونتی پورہ کے مختلف قرنطینہ میں رکھا گیا ہے۔تاکہ کرونا وائرس کو مزید پھیلنے سے روکا جا سکے۔

اس سلسلے میں تحصیلدار پانپور نے بتایا' کہ اگر ہم ان افراد کو قرنطینہ میں نہیں لاٸیں گے تو ممکن ہے کہ اس کی وجہ سے دوسرے لوگ بھی متاثر ہوں پھر ہمیں سیکنڑوں لوگوں کو قرنطینہ میں رکھنا ہوگا۔

انہوں نے کہاکہ احتیاطا ہم نے ان افراد کو قرنطینہ میں رکھا ہے تاکہ آئندہ کسی دوسرے کو اس وبا سے دوچار نہ ہونا پڑے۔