جنوبی کشمیر کے پلوامہ ضلع میں ترال کے ڈاڈسر علاقے میں ہفتے کے روز نامعلوم افراد نے جموں و کشمیر بینک کے ایک گارڈ سے 12 بور کی رائفل چھین لی۔
ذرائع نے بتایا کہ کچھ نامعلوم افراد نے پہلے بینک گارڈ پر ایک قسم کا اسپرے کیا۔ اس کے بعد 12 بور رائفل چھین لی۔
انہوں نے بتایا کہ جب گارڈ نے حملہ آوروں کا مقابلہ کرنے کی کوشش کی تو اس دوران انہیں معمولی چوٹ پہنچی۔
اس سلسلہ میں پولیس نے ایک بیان جاری کیا ہے جس میں انہوں نے کہا کہ شوکت احمد حجام نامی سیکیورٹی گارڈ سے نامعلوم افراد نے رائفل چھین لی۔ انہوں نے کہا واقعہ کی ویڈیو حاصل کی گئی ہے اور حملہ آوروں کی پہچان کی جا رہی ہے۔
پولیس نے ایف ائی آر زیر نمبر 128/2020 درج کر کے مزید تحقیقات شروع کر دی ہے۔
