پونچھ: سڑک حادثے میں 2 نوجوان ہلاک

جموں و کشمیر کے سرحدی ضلع پونچھ میں سڑک حادثے کے دوران 2 نوجوانوں کی موت واقع ہوگئی۔

سرحدی ضلع پونچھ کے سرنکوٹ علاقے میں پیر کی صبح ایک گاڑی زیر رجسٹریشن نمبر JK06 5429 گہری کھائی میں جاگری جس کے نتیجے میں دو نوجوانوں کی موت واقع ہوگئی۔

پونچھ: سرک حادثے میں 2نوجوان ہلاک

عینی شاہدین کے مطابق گاڑی سڑک سے پھسل کر قریب 25 میٹر گہری کھائی میں جاگری، گرچہ مقامی باشندوں نے فوری طور پر ریسکیو آپریشن شروع کرکے نوجوانوں کو سب ضلع اسپتال، سرنکوٹ پہنچایا تاہم ڈاکٹروں نے انہیں مردہ قرار دے دیا۔

فوت ہونے والے افراد کی شناخت مڑہ کے رہنے والے 25 سالہ عمران احمد ولد عبدالقیوم اور 20 سالہ عابد حسین ولد محمد صادق کے طور پر ہوئی ہے۔

پولیس نے اس ضمن میں کیس درج کرکے مزید کارروائی شروع کردی ہے۔