پونچھ میں سڑک حادثہ، دو ہلاک، پانچ زخمی

جموں و کشمیر کے ضلع پونچھ میں پیش آئے سڑک حادثے میں 2 افراد ہلاک جبکہ دیگر پانچ افراد زخمی ہوگئے۔

پولیس ذرائع کے مطابق ایس یو وی گاڑی ضلع کے منڈی علاقے لورن علاقے جا رہی تھی، اچانک ڈرائیور سے بے قابو ہو گئی اور 300 فُٹ گہری کھائی میں جا گری، جس میں 2 افراد ہلاک اور دیگر 6 زخمی ہو گئے۔

ہلاک ہونے والوں کی شناخت 30 سالہ محمد فاروق اور 40 سالہ سجاد احمد کے طور کی گئی ہے۔ محمد فاروق کا تعلق ضلع کے لورن علاقے سے ہے جبکہ سجاد احمد لوہلبیلا کا رہنے والا ہے۔
وہیں زخمیوں کی شناخت لوہلبیلا کے عبدالصمد، محمد الدین، منظور احمد شیخ، عبدالمجید براچر علاقے کے ارشاد احمد اور فاطمہ کے طور کی گئی ہے۔
زخمیوں کو فوری طور ہسپتال منتقل کیا گیا جہاں ان کی حالت نازک بتائی جا رہی ہے۔