پونچھ: گیس سلنڈر پھٹنے سے تین نوجوان زخمی

ضلع پونچھ کے مینڈھر میں گیس سلنڈر پھٹنے سے تین نوجوان شدید زخمی ہو گئے۔

اطلاعات کے مطابق جموں و کشمیر کے ضلع پونچھ کے مینڈھر میں واقع چھاترال گاؤں میں ایک دکان پر گیس سلنڈر پھٹ گیا جس کی زد میں آنے سے تین نوجوان جھلس گئے۔ مقامی لوگوں نے فوراً انہیں مینڈھر کے سب ڈسٹرکٹ ہسپتال میں داخل کرایا جہاں ان کا علاج جاری ہے۔

اس کی تصدیق مینڈھر کے بلاک میڈیکل آفیسر ڈار پرویز احمد خان نے کی ہے۔ انہوں نے بتایا کہ 'یہ واقعہ آج صبح دس بجے کا ہے، انہوں نے کہا کہ ' زخمیوں کا علاج جاری ہے اور سبھی نوجوان خطرے سے باہر ہیں'۔