جنگ میں ہلاک ہوئے شہریوں کو خراج عقیدت پیش

ریاست جموں کشمیر میں سرحدی ضلع پونچھ کے مینڈھر علاقے میں 1965کی جنگ میں ہلاک ہوئے 6 عام شہریوں کی یاد میں ایک تقریب کا اہتمام کیا گیا۔

اس موقعے پر کئی اعلیٰ فوجی و سیول افسران نے ہلاک ہوئے عام شہریوں کو خراج عقیدت پیش کیا۔

ہلاک شدگان کے لواحقین کو تحائف سے بھی نوازا گیا۔

اس موقعے پر خطاب کرتے ہوئے جی او سی25 انفنٹری کے میجر جرنل ایچ دھرما راجن نے کہا کہ ’’اس میں کوئی شک نہیں کہ مینڈھر کی عوام نے دشمن کو بھرپور جواب دینے میں فوج کا ہمیشہ ساتھ دیا۔‘‘

انہوں نے مزید کہا کہ ’’عوام دوست فوج ہمیشہ مقامی باشندوں کی ہر طرح کی سہولیت کے لئے تیار ہے۔‘‘

’’شہیدی دیوس‘‘ کی اس تقریب میں میجر جرنل ایچ دھرما راجن، برگیڈیئر ایم پانڈے، سی ڈی آر120انفنٹری، ڈی آئی جی راجوری پونچھ وویک گپتا، ضلع ترقیاتی کمشنر پونچھ راہل یادو، ایس ایس پی پونچھ کے علاوہ کئی اعلیٰ افسران موجود تھے۔