جموں و کشمیر کے ضلع پونچھ کے تحصیل مینڈھر میں ابھی بھی بازار بند رکھا گیا ہے۔
مینڈھر کے ایس ڈی ایم ڈاکٹر ساحل جندال نے کہا کہ ضلع ترقیاتی کمشنر کی طرف سے ہدایات دی گئی ہے کہ مینڈھر کے دکاندار جب تک کورونا جانچ نہیں کرائیں گے تب تک انہیں دکانیں کھولنے کی اجازت نہیں دی جائے گی۔
دریں اثنا نامہ نگاروں سے گفتگو کرتے ہوئے انہوں نے کہا کہ تمام دکانداروں کے لئے کورونا وائرس ٹیسٹ کروانا لازمی ہے۔ انہوں نے کہا کہ کووڈ ہیلتھ کارڈ محکمہ صحت جاری کرے گا اور تمام دکانداروں کو اپنا ٹیسٹ کروانا ہے۔
انہوں نے کہا کہ جو ٹیسٹ کرائے گا اسے دکان کھولنے کی اجازت دی جائے گی، ورنہ اس کی دکان بند رہے گی۔
ایس ڈی ایم نے تمام لوگوں سے اپیل کی کہ وہ تعاون کریں اور اپنے ٹیسٹ کروائیں۔