Run for Unity of Rashtriya Ekta Diwan راشٹریہ ایکتا دیوس کے موقع پر رن فار یونٹی کا انعقاد

سردار ولبھ بھائی پٹیل کے 147 ویں یوم پیدائش کے موقع پر جموں و کشمیر کے مختلف اضلاع میں رن فار یونٹی کا انعقاد کیا گیا جس میں افسران کے علاوہ طلبہ نے بھی بڑھ چڑھ کر حصہ لیا۔ Run for Unity on the occasion of Rashtriya Ekta Diwan

جموں و کشمیر:سردار ولبھ بھائی پٹیل کے یوم پیدائش پر جموں و کشمیر مخلتف اضلاع میں تقاریب کا اہتمام کرکے سردار ولبھ بھائی پٹیل کے بھائی چارے کے راستے پر چلنے کا پیغام دیا۔ Rashtriya Ekta Diwan

پونچھ میں ضلع پولیس کی جانب سے رن فار یونٹی کا اہتمام: سردار ولبھ بھائی پٹیل کے 147 ویں یوم پیدائش کے موقع پر ایس ایس پی پونچھ روہت بکسوترا کے رہنما خطوط پر قومی یکجہتی دن کے موقع پر ضلع پولیس ہیڈ کوارٹر پونچھ سے رن فار یونٹی کا انعقاد کیا گیا۔ پروگرام کے دوران 400 سے زائد نوجوانوں بشمول اسکولی طلبہ اور ضلع کے مختلف علاقوں سے پولیس اہلکاروں نے رن فار یونٹی میں حصہ لیا۔ رن فار یونٹی رن پولیس ہیڈ کوارٹر پونچھ سے شروع ہو کر اسپورٹس اسٹیڈیم پونچھ میں اختتام پذیر ہوئی۔ اس موقع پر ایس ایس پی پونچھ نے خطاب کے دوران پروگرام میں حصہ لینے والے تمام شرکاء کا شکریہ ادا کرتے ہوئے سردار ولبھ بھائی پٹیل کی 147ویں سالگرہ پر ان کی شخصیت پر بھی روشنی ڈالی۔ Rashtriya Ekta Diwas Ceremony

انہوں نے کہا کہ راشٹریہ ایکتا دیوس ایک پیغام پھیلانے کے لیے منایا جاتا ہے۔ ضلع اور ملک کے شہری ملک کی سالمیت کے لیے اپنا کردار ادا کریں۔ اس پروگرام کا مقصد شرکاء اور عام لوگوں میں قوم کے اتحاد اور سالمیت کے جذبے کو فروغ دینا ہے۔ اسپورٹس اسٹیڈیم پونچھ میں حلف برداری کی تقریب بھی منعقد ہوئی جس میں ایس ایس پی پونچھ روہت بسکوترا کے علاوہ ڈپٹی ایس پی پونچھ مشیم احمد، ڈی ایس پی ہیڈکوارٹر نواز چوہان، ڈی ایس پی ڈار سچن گپتا، ڈی ایس پی آپریشن منیش شرما، ایس ایچ او پونچھ رنجیت راؤ، ایم ٹی او اور آر آئی ڈی پی ایل نے شرکت کی۔ حلف برداری کی تقریب میں پونچھ بشیر کوہلی کے علاوہ دیگر افسران اور سی آر پی کے شرکاء نے ملک کے اتحاد اور سالمیت کے لیے شرکت کی۔

بارہمولہ میں رن فار یونٹی:

شمالی کشمیر کے ضلع بارہمولہ میں راشٹیہ ایکتا دیوس کی مناسبت سے بارہمولہ پولیس کی جانب سے ریس کا انعقاد کیا گیا۔ اس دوران ضلع انتظامیہ بارہمولہ اور جموں کشمیر پولیس کے علاوہ اس پروگرام میں اسکول کے بچوں نے شرکت کی اور ریس میں حصہ لیا۔ اس ریس کو فروٹ منڈی کانس پورہ سے شروع کیا گیا اور یہ شوکت علی اسٹیڈیم پر اختتام پذیر ہوئی اور اس میں لوگوں اس میں کافی لوگوں نے شرکت کی۔

میڈیا کے ساتھ بات کرتے ہوئے مقامی بچوں نے بتایا کہ ہم کافی خوش ہے کہ ہم نے اس ریس میں شمولیت کی اور ہم ضلع انتظامیہ بارہمولہ بالخصوص ڈی سی بارہمولہ سید سحرش اصغر کے مشکور ہے کہ انہوں نے ہم کو موقع فراہم کیا اور ہم امید کرتے ہے کہ مستقبل میں بھی اس قسم کے پروگرام ہونے رہیں گے۔

پونچھ میں سنٹرل ریزرو پولیس کی طرف سے بائک ریلی کا انعقاد:

ضلع پونچھ میں سینٹرل ریزرو پولیس فورس نے ایک بائیک ریلی نکالی اور سردار ولبھ بھائی پٹیل کے دکھائے ہوئے راستے پر چلنے کا پیغام دیا۔ سردار ولبھ بھائی پٹیل کے یوم پیدائش کو قومی اتحاد کے دن کے طور پر منایا جا رہا ہے۔اس موقع پر پونچھ ضلع میں سینٹرل ریزرو پولیس فورس کی 72ویں بٹالین کی طرف سے یوم یکجہتی کے موقع پر ایک بائیک ریلی نکالی گئی۔ اس موقع پر ریزرو پولس کے جوانوں کے علاوہ دیگر نے بھی شرکت کی۔ ریلی میں فورس، مقامی نوجوانوں کی بڑی تعداد نے شرکت کی۔

اس موقع پر جانکاری دیتے ہوئے سینٹرل ریزرو پولیس فورس کے افسران نے کہا کہ سردار ولبھ بھائی پٹیل نے ذات پات اور مذہب کو پس پشت ڈال کر سب کو ایک دھاگے میں باندھنے کا کام کرتے ہوئے تمام بھارتیوں کو متحد کرنے کی کوشش کی تھی۔